Әһли Бејт -АБНА- хәбәр аҝентлијинин вердији хәбәрә әсасән: Дахили ишләр назири ҝенерал-полковник Рамил Усубов “Азәрбајҹан” гәзетинин 28 јанвар сајына ҝениш мүсаһибә вериб. Мүсаһибә заманы журналист Ихтијар Һүсејнли өлкәдә баш өртүјү мәсәләси әтрафында јаранмыш вәзијјәтә, бу мәсәләдән суи-истифадә едиб дини дуруму ҝәрҝинләшдирмәк, иҹтимаи сабитлији позмаг истәјәнләрин олмасы барәдә експертләрин дедикләринә дә назирин рәјини өјрәниб.
Рамил Усубов билдириб ки, аидијјәти дөвләт органлары бу ҝүн дә вәтәндашларын динҹ һәјатыны тәмин едән сијасәтин кешијиндә сајыглыгла дурублар: “Ҝизли дејил ки, мүстәгиллијмизи истәмәјән, Азәрбајҹанын ҝүҹлү, гүдрәтли дөвләтә чеврилмәсиндән әндишәләнән мүәјјән хариҹи гүввәләр вә онларын дахилдәки әлалтылары дөвләтимизи сарсытмағын јеҝанә јолуну сабитлији зәифләтмәкдә ҝөрүрләр. Амма унудурлар ки, бу сабитлик халгын мәһз Һејдәр Әлијев сијаси курсуна сәдагәти вә президент Илһам Әлијевин уғурлу фәалијјәтинә дәстәји әсасында мөвҹуддур. Республикамызда иҹтимаи-сијаси сабитлијин ҝүҹү халгын өз президентинә етимады илә мүәјјәнләшир. Бу етимад исә ән јүксәк сәвијјәдәдир! Демәк, һеч бир гүввә Азәрбајҹанда сабитлијә хәләл ҝәтирә билмәз! Шүбһәсиз ки, наилијјәтләримиз артдыгҹа, өлкәмиз даһа да инкишаф етдикҹә бәдхаһларымыз да јерләриндә дајанмыр, мүхтәлиф мәкрли ссенариләр үзәриндә баш сындырырлар. Анҹаг антиазәрбајҹанчы шәбәкә билмәлидир ки, онун дөвләтимизә вә халгымыза гаршы јөнәлмиш һәр бир бәднам планы һәмишә олдуғу кими, бундан сонра да уғурсузлуға дүчар олаҹаг.
Бунунла белә, мөвҹуд демократик шәраитдән суи-истифадә едән бир сыра јерли радикал дини груплар хариҹи һавадарларынын тәһрики илә өлкәни сивил, дүнјәви инкишаф јолундан дөндәрмәјә ҹәһдләр ҝөстәрирләр. Лакин республиканын һүгуг мүһафизә, о ҹүмләдән дахили ишләр органларынын сајыглығы нәтиҹәсиндә бу әмәлләр вә мәкрли нијјәтләр ифша олунуб вә мүвафиг тәдбирләр давам етдирилир. Хүсуси вурғуламаг истәрдим ки, чох тәһлүкәли вә зәрәрли мејил олан дини екстремизмә, радикализмә гаршы мүбаризәдә бүтүн әмәкдашларымыз диггәтли вә сајыгдырлар. Аидијјәти дөвләт органлары бу ҹүр тәзаһүрләрин јајылмасына, өлкәдә сабитлији позмаг ҹәһдләринә имкан вермәјәҹәкләр.
Бу мөвзуда сон вахтлар өлкәмиздә ҝениш иҹтимаи мүзакирәләр ачылыр. Севиндириҹи һалдыр ки, вәтәндашларымыз баш өртүјү мәсәләси илә бағлы әсл һәгигәти јахшы анлајыр. Проблемин мәғзини вә һарадан гајнагландығыны дәрк едир. Фүрсәтдән истифадә едәрәк, бу барәдә өз вәтәндаш мөвгејими дә билдирмәк истәрдим. Азәрбајҹан јүксәк ислами дәјәрләри тәмәл мәнәви принсипләр кими гәбул едән өлкәдир, ејни заманда, дини толерантлығын бүтүн дүнја мигјасында ән мүкәммәл өрнәкләриндән биридир.
Һәмчинин бу ҝүн мәдәнијјәтләрин, динләрин, о ҹүмләдән конфессијаларын динҹ јанашы јашадығы, гаршылыглы анлашмасынын јүксәк сәвијјәдә олдуғу бир дөвләтдир. Өлкәмиздә һәр һансы бир динин тәмсилчисинә онун инанҹынын бујурдуғу дини ајинләри иҹра етмәјә, либасы ҝејмәјә манеә јохдур. Бу мәнада, гадын вә гызларымыз да баш өртүјүндән истифадәдә сәрбәстдирләр вә буна һансыса гадаға јохдур. Амма бу ҹүр етигад азадлығынын һөкм сүрдүјү мүтәрәгги мүһити ҝөзү ҝөтүрмәјәнләр инди јени бир иддиа ортаја атыблар: орта мәктәбләрин гыз шаҝирдләри дәрсә баш өртүјү илә ҝәлмәлидир. Белә јанашма дүнјәви, сивил ҹәмијјәтә хас дәјәрләр бахымындан јолверилмәздир. Орта мәктәб шаҝирдләри үчүн ваһид ҝејим формасы мүәјјән едилиб. Ким өз өвладынын башыны өртмәк истәјирсә, мәктәбдән кәнарда, мәишәтдә, евиндә буну иҹра едә биләр.
Азәрбајҹан гадынына мәҹбурән баш өртүјү бағлатмаг истәјәнләр һеч онларын фикрини сорушурлармы, мөвгејини өјрәнирләрми? Нәдән валидејн ирадәсинә табе олан, һәлә мүстәгил шәхсијјәт кими там формалашмамыш јенијетмә гызлары елмә вә ҹәмијјәт һәјатында даһа фајдалы олмаға јох, әксинә ҹәһаләтә, ики-үч әср өнҹәки дурума, ҝеријә сүрүкләјирләр? Азәрбајҹан гадыны өз сечимини едиб: азад вә мүстәгил олмаг, өз потенсиалыны халгын, дөвләтин инкишафына јөнәлтмәк. Мүасир Азәрбајҹанда гадынын ролу, ҹәмијјәтдәки мөвгеји даһа јүксәкдир вә онун азадлығынын, тамһүгуглу вәтәндаш олма һаггынын реал тәминаты вар. Бу ҝүн Азәрбајҹан гадыны өз јүксәк мәнәви кејфијјәтләри, аиләсинә бағлылығы, шәрәфи, гүруру, намусу илә милли ифтихарымыздыр. Онун өлкәмизин иҹтимаи-сијаси һәјатында, елмдә, тәһсилдә, мәдәнијјәтдә вә диҝәр саһәләрдә ролу данылмаздыр.
Диҝәр тәрәфдән, мәнәвијјат, әхлаг һеч дә заһири ҝөрүнүшлә мүәјјәнләшмир. Биз даһа чох инсанларын, хүсусән дә јенијетмәләрин вә ҝәнҹләрин дахили дүнјасынын, мәнәвијјатынын зәнҝинләшмәсинә, милли дәјәрләрә ујғунлашмасына өнәм вермәлијик. Фикримҹә, бу мөвзулара һәмчинин дин хадимләри хүсуси диггәт ајырмалыдырлар. Онлар һәм дә вәтәндашларымызын мөвһуматдан, ҹәһаләтдән, екстремизм вә радикализмдән узаглашмасына чалышмалы, динимизин әсл маһијјәтинин тәблиғинә сәј ҝөстәрмәлидир”.
Рамил Усубовун Дуггәт нәзәринә!
Рамил мәллим вердијиниз мүсаһибәниздә олдугҹа парадокслу ҹүмләлр олмасына бахмајараг садәҹә бир нечәсини ҹавабландырырам.
Бәли буҝүн Азәрбајҹанын сүверенлијини истәмәјән вә онун дағылмасында сәјләр ҝөстәрән үмумиликдә СИОНИСТ гүввәләри, Ермәнистан, Русија вә АБШ-дыр. Бу гүввәләр Азәрбајҹанын чичәкләнмәмәсиндән өтрү һәр бир вариант әл атырлар һәтта Азәрбајҹанын Консутутсијасына зидд олан, ганунсузлуғу ганун үнваны верәрәк өз әлалтылары тәрәфиндән дөвләт сәвијјәсиндә һәјата кечирдир вә халгы зорла гијам мејданына сүрүкләјирләр.
Рамил мүәллим гәрибә бурасыдыр ки, гејри дини мүтәхәссизләрин һаммысы динин атрибутлары барәдә нәзәрләрини ирәли сүрәрәк ону дин үнванында гәләмә верирләр лакин дини мүтәхәссизләрин рәјинә ҝәлдикдә исә һеч она белә әһәмијјәт вермирләр. Мисал үчүн Дөвләтинизин Шејхи бу барәдә "Туран"а ифадә едәркән гәти рәјини билдирмишдир: “Һиҹаб мәсәләси мүзакирә објекти дејил, бу, Аллаһын әмридир вә она әмәл олунмалыдыр”. А.Пашазадә һиҹабын динин атрибутларындан бири олдуғуна диггәт чәкәрәк, буна әмәл олунмасынын ваҹиблијини сөјләјиб. Онун ҝејилмәсинә ҝәлдикдә, Шејхүлислам һиҹабын мәктәб формасы илә узлашмасына диггәт чәкмишдир: “Һиҹабын олуб-олмамасы јох, онун һансы шәкилдә олмасы мүзакирә едилә биләр”, - дејә ГМИ сәдри билдирмишдир. Амма сиз исә там сүрәтдә онун сөзләринин әксини вурғулајырсыз!
Рамил мүәллим дејин ҝөрүм 100- ил бундан өнҹә јазылмыш тарихивизи охуја билирсиз? Нараһат олмајын мән ҹаваб верәрәм: “Хејр”!
Амма бир садә ермәни исә өзүнүн 1000 ил бундан өнҹә јазылдығы тарихини охујуб тәһлил едә дә билир! Билирсиз бунун сәбәби нәдир? Јенә нараһат олмајын ҹавабын өзүм верирәм: Сәбәби Азәрбајҹан халгынын сүверенлијини әлдә етдији андан бәри дөвләт сијасәтинин јанлыш апарылдығындан хүсусәндә 2000-ҹи илдә (ана әифбавызын Әски әлифбанын әвәзинә) гондарма Латын әлифбасынын гүввәјә минмәсидир. Бахын ҝөрүрсүнүзмү ки, сизи азәрбајҹанлығыздан узаглашдыран вә әҹнәбиләрә тәрәф сөвгләндириб христианлашдыранларын өзләри сизинҝ әсил дүшмәнләриздир!
Диггәт: Хәбәрдән истифадә етдикдә мәнбәјә истинад лазымдыр
