Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасы Баш Прокурорлуғу Азәрбајҹан Ислам Партијасы Астара рајон тәшкилаты сәдри Руһулла Ахундзадәнин евиндән ҜҮЈА силаһ-сурсат тапылмасы илә бағлы рәсми мәлумат јајыб.
Азәрбајҹан Ислам Партијасынын үзвләри барәсиндә башланмыш ҹинајәт иши үзрә истинтагын ҝедишиндә Милли Тәһлүкәсизлик Назирлијинин әмәлијјат јолу илә әлдә етдији мәлумат әсасында, 21 јанварда истинтаг групу вә Астара рајон Полис Шөбәсинин бирҝә һәјата кечирдикләри истинтаг-әмәлијјат тәдбирләри нәтиҹәсиндә Астара шәһәр сакини Ахундзадә Руһулла Һөҹҹәт оғлунун јашадығы евдә ахтарыш апарылыб.
Ахтарыш заманы ҜҮЈА һәјәтдән 4 әдәд АКМ маркалы автомат, 1 әдәд "Наган" типли тапанча, автомат силаһлар үчүн нәзәрдә тутулан вә ичәрисиндә патронлар олан 3 әдәд сандыгча, 5 әдәд Ф-1, 4 әдәд РГД-5 типли әл гумбарасы, 10 әдәд УЗРГМ типли алышдырыҹы, 2 әдәд тротил шашкасы, 491 әдәд патрон, 7 әдәд ҸД форматлы диск вә диҝәр предметлер ашкар едиләрәк ҝөтүрүлүб. Ејни заманда, ҝөтүрмә заманы ҝөрүлән тәһлүкәсизлик тәдбирләри илә әлагәдар 9 әдәд алышдырыҹы вә 1 әдәд РГД-5 типли гумбара мүтәхәссисләр тәрәфиндән партладылыб.
Ҝөстәриләнләрлә әлагәдар, Руһулла Ахундзадә һәмин тарихдә Азәрбајҹан Республикасы Ҹинајәт Мәҹәлләсинин 228.1-ҹи маддәси илә нәзәрдә тутулан ҹинајәт әмәлини төрәтмәкдә шүбһәли шәхс гисминдә тутулуб. Һазырда ҹинајәт иши үзрә истинтаг Баш Прокурорлуғун Ағыр ҹинајәтләрә даир ишләр үзрә истинтаг идарәсиндә давам етдирилир.
Гејд едәк ки, Астара рајону дәниз саһилиндә јерләшдирилдијиндән онун евиндән суалты ҝәми чыхартмајыбларса јенә мин шекер
Диггәт: Хәбәрдән истифадә етдикдә мәнбәјә истинад лазымдыр
