20 Јанвар Милли Мүгавимәт Һәрәкатынын јатирилмасынын 21-ҹи илдөнүмү әрәфәсиндә 1990-ҹи илин бу ҝүнүнә нәзәр салаг.
15 јанвар 1990-ҹи ил. Јанварын 13-дә Бакыда ермәниләрин тәхрибаты нәтиҹәсиндә ҝуја Ермәнистандан гачгын дүшән азәрбајҹанлыларын ермәниләри талан етмәләри вә гәтлә јетирмәләри барәдә хәбәри ешидиб Москвадан Бакыја ҝәлән јүксәк чинли мәмурлан нәјин нә јердә олдуғуну арашдырырлар. Москвадан ҝәлмиш Мәркәзи Комитәнин сијаси бүросу үзвлүјүнә намизәд, ССРИ Али Советинин Шура сәдри Јевҝени Примаков, Мәркәзи Комитәнин катиби Андреј Гиренко вә ССРИ Назирләр Шурасынын сәдри Витали Догужев артиг базар ҝүнү Азәрбајҹан Коммунист Партијасынын рәһбәрлији илә ҝөрүшмүшдү. Биринҹи ҝүн, јәни јанварын 15-дә исә нараһатлыгларын башында дурдуғу иддиа едилән Халг Ҹәбһәсинин рәһбәрлији Мәркәзи Комитәјә дәвәт едилир. Примаков, Гиренко вә Догужев Халг Ҹәбһәсиндән Мәркәзи Комитә гаршысында топлашан инсанларын дағылмасыны тәләб едир.
Милли Азадлыг Һәрәкатынын лидерләриндән бири Етибар Мәммәдов һәмин вахтлары хатырлајараг билдирир ки, Мәркәзи Комитәдә ҝөрүш кечирилди. Ҝөрүшдә Примаков, Гиренко әсас мәһсул шәхсләр кими иштрак едирдиләр. Онларын ирәли сүрдүјү иддиалар Бакыда дөвләт органларынын зәбт олунмасы ҹәһди вә күтләви ихтишашларын олмасындан ибарәт иди: “Ермәни әһалисинин гырылмасы ҝедир. Бунун гаршысыны алмаг лазымдыр. Биз исә өз мәлуматларымызы онлара билдирди ки, Азәрбајҹанда, Бакыда фөвгәладә вәзијјәтин тәдбиг олунмасына һазырлыг ҝедир. Онлар да гәти шәкилдә анд-аман едирдиләр ки, һеч бир фөвгаладә вәзијјәт олмајаҹаг вә Бакыја орду јеридилмәјәҹәк”.
Бакыда фөвгаладә вәзијјәтин елан олунмасы вә рус гошунлаырынын јеридилмәсинә исә ҹәми 4 ҝүн галырды. Москва азәрбајҹанлылары нөвбәти дәфә алдатды....
