Әһли Бејт -АБНА- хәбәр аҝентлијинин вердији хәбәрә әсасән: Һазырда Баш Мүтәшәккил Ҹинајәткарлыгла Мүбаризә Идарәсиндә сахланылан АИП сәдри Мөвсүм Сәмәдовун аилә үзвләри өтән ҝүн она јемәк апарыблар. АИП сәдринин һәјат јолдашы БМҸМИ-дә онлара гаршы кобуд рәфтар олундуғуну, ҝөзләдилдикләрини деди: “Бизә демишдиләр ки, саат 5-дә јемәк ҝәтирин. Анҹаг 5-дә орада олмағымыза бахмајараг бизи јарым саат ҝөзләтдиләр. Үмумијјәтлә, бизимлә кобуд рәфтар едирләр. Ҝөрүш истәјимизи исә үмумијјәтлә јахына бурахмадылар, дедиләр ки, бурада ҝөрүшмәк олмаз. Һәјат јолдашыма гаршы һеч бир иттиһам ирәли сүрүлмәјиб, анҹаг ону һәлә дә ҹинајәткар кими о идарәдә сахлајырлар. Анҹаг ганунла ону үмуми тәҹридханада сахламалы идиләр”.
Мусават.ҹом-ун вердији мәлумата ҝөрә, Меһпарә Сәмәдова евләринин изләндијини, онларын һәрәкәтләринин нәзарәт алтында олдуғуну деди: “Ачыг шәкилдә олмаса да һисс едирәм ки, бизи изләјирләр. Евә нәзарәт едирләр. Јахынлыгда полис машынлары олур, ејни заманда танымадығымыз мүлки шәхсләр даим евимизи, бизи изләјирләр”.
Ону да гејд едәк ки, АИП нүмајәндәсинин сөзләринә ҝөрә, өтән базар ҝүнү сахланылан АИП-ин Сумгајыт тәшкилатынын 3 үзвүнүн инзибати һәбс мүддәти дүнән битдији үчүн онлар азадлыға бурахылыб.
Диггәт: Хәбәрдән истифадә етдикдә мәнбәјә истинад лазымдыр
