Әһли Бејт -АБНА- хәбәр аҝентлијинин вердији хәбәрә әсасән: Исламмарифиндә Елми Арашдырма Мәркәзинин тәшәббүсү илә Азәрбајҹан руһаниләри бәјанат верибләр. Бәјанатда билдирилир:
Бағышлајан вә Мәрһәмәтли Аллаһын ады илә
"Илаһи!" Биз пејғәмбәримизин һәјатда олмамағындан, имамымызын гејбдә олмасындан, дүшмәнләримизин чохлуғундан өз сојумузун азлығындан, бизә фитнәләрин шиддәтләнмәмәсиндән , зәманәнин бизим әлејһимизә тәзаһүр етмәјиндән сәнә шикајәт едирик. Сән Муһәммәд вә Али Муһәммәдә салават ҝөндәр.” (Ифтитаһ дуасындан)
Дини етигад азадлғы һалында Азәрбајҹан Республикасы ганунунун “Дини етигад азадлығы” маддәсиндә дејилир ки, һәр кәсин һәр һансы динә тәкбашына вә ја башгалары илә бирликдә етигад етмәк, динә мүнасибәти илә бағлы әгидәсини ифадә етмәк вә јајмаг һүгугу вардыр.Валидејнләр вә ја онлары әвәз едән шәхсләр, гаршылыглы разылыг әсасында ушагларыны өзләринин дини әгидәсинә вә динә мүнасибәтинә мүвафиг олараг тәрбијә едә биләрләр. Республикамызын Ислам дининә етигад едән диндарларын Исламын бир әһкамы олан баш бағламаг әмәлини һәјата кечирәркән вә ону јајаркән мүстәгил Республикамызын һеч бир ганунуну позмамышлар.
Буна бахмајараг Дөвләтимизин бәзи мәмурлары дөвләт илә диндарлар арасында наразылыглар јаратмаға сәј ҝөстәрирләр.
Сон вахтлар һиҹаб барәсиндә верилән гәрар республиканын руһани тәбәгәләри арасында наразылыгла гаршыланмышдыр. Һәр бир мөмин бәндә мүгәддәс китабымыз олан “Гурани-Кәрим” –ин әмрләри вә гадағалары илә јашамаға мәсулдур. Һәм дә Гурани-Кәримин ајәләринә јөнәлән мәлум гәрар Уҹа Аллаһ гаршысында мәсулијјәт һисс едән мөмин бәндә тәрәфиндән етиразла гаршыланмаја билмәз. Демократик дөвләтләр тәрәфиндән толерант дөвләт кими танынан бир мүсәлман өлкәсиндә Ислама гаршы бу ҹүр басгы әлбәттә чох тәәҹҹүблүдүр.
Тәәссүфә лајиг бир дә одур ки, һиҹабла бағлы һәр бир етираз вә јахуд наразылыг ајры-ајры дин адамларынын тутулуб-сахланмасы илә мүшајиәт олунур.
Виҹдан азадлығына һөрмәтлә јанашылан демократик бир дөвләтин дин ганунларына гаршы белә мүнасибәти мүстәгил дөвләтимизә үз ағлығы ҝәтирмәз.
Биз Азәрбајҹан руһаниләри һиҹаба гадаға мәсәләсинин өз мүсбәт һәллини тапмасы илә јанашы Һаҹы Мөсүм Сәмәдов вә онунла бирҝә һәбс едилмиш нүфузлу дин хадимләринин ҝүлүнҹ төһмәтләрлә иттиһам олунмаларыны мәһкум едир вә онлара тутулуб сахланылмаларына сон гојулмасыны вә тезликлә азадлыға бурахылмаларыны тәләб едирик."
Диггәт: Хәбәрдән истифадә етдикдә мәнбәјә истинад лазымдыр
