Әһли Бејт -АБНА- хәбәр аҝентлијинин вердији хәбәрә әсасән: Сон илләрдә Азәрбајҹан Республикасында баш верән исламофобијаја вә репресијалара Иран Ислам Республикасы мүгәддәс Гум шәһәринин танынмыш алимләридә өз етиразларыны билдирдиләр. Беләки Имам Заманын (Аллаһ онун зуһуруну тезләшдирсин) һаг наиби, дүнја мүсәлманларынын мәрҹәи тәглиди Ајәтуллаһ Ҹәфәр Субһани ҹәнабларыда өз инсани вә һеч бир сәрһәд танымајан шәри вәзифәсини јеринә јетирәрәк Азәрбајҹан Республикасынын президенти Илһам Әлијевә мәктуб јазды.
Мәктубда хатырладыр ки:
Азәрбајҹан Республикасынын президенти
Ҹәнаб Илһам Әлијев
Салам
Әлдә олунан мәлуматлара әсасән Азәрбајҹан Республикасынын тәһсил назири һиҹаблы мәктәбли вә тәләбәләрин тәһсил мүәссисәләринә ҝиришинин гаршысынын алынмасы үчүн ҝөстәриш вериб. Өнҹәләр Һәзрәт Фатимеји-Зәһра (с.ә) мәсҹидинин сөкүлмәсинин гаршысынын алынмасы илә бағлы сизин атдығыныз аддыма тәшәккүрүмү билдирдим. Анҹаг бу дәфә бу мәсәләдә гејд етмәлијәм ки, (фәзәккир иннәз-зикрә тәнфәул мөминин) (хатырлат, хатырлатмаг мөминләрин хејринәдир) тәһсил мүәссисәләринә һиҹаблы гызларын ҝиришинин гаршысынын алынмасы илаһи һөкм вә инсан һагларынын билдиришинә зиддир.
Сизин һөкумәтиниз елә бир дүнјададыр ки, тәһсил вә тәлим-тәрбијә барәсиндә олан бејнәлхалг һүгуг билдиришинин 26-ҹы маддәсинин 2-ҹи бәндиндә гејд олунур: "Тәлим-тәрбијә елә бир формада јөнләндирилмәлидир ки, һәр бир шәхсин инсани шәхсијјәтини камил формада јетишдирсин вә һүгуг вә инсан азадлыгларыны мөһкәмләндирсин. Тәлим-тәрбијә ҝүзәштлә анлашмаг, мүхалиф етигадлара һөрмәтлә јанашмаг, бүтүн халглар, етник вә мәзһәб ҹәмијјәтләри арасында достлуг јаратмаг, һабелә сүлһүн горунмасы истигамәтиндә халгларын бирҝә фәалијјәтләринин ҝенишләндирилмәсини асанлашдырмалыдыр".
Азәрбајҹан Республикасы һөкумәтинин дә имзаладығы белә бир принсипи нәзәрә алдыгда, ҝөрәсән иффәти горумаг вә Аллаһын ганунуна риајәт етмәјә ҝөрә ҹәмијјәтинизин јарысынын тәһсилдән мәһрум галмасы јахуд илаһи гануну ҝөрмәмәзлијә вурмасы вә виҹдан һәбсинин тәзјигинә мәруз галмасы дүзҝүндүрмү?
Гадынын һиҹабы вә өртүјү дәјишмәси мүмкүн олан јерли бир адәт-әнәнә дејил. Һиҹаб гадынлар үчүн илаһи бир ваҹиб әмәлдир. Бу дәјәрли ҝөвһәр онлары һәвәсбазларын фитнәсиндән горујур. Тәһсил мүһити дә башга мәсәләләри олан дејил, елми бир мүһитдир.
Бу ҝүн сизин һөкумәт гардаш Түркијә һөкумәтиндән өјрәнмәлидир. Онлар узун мүддәт һиҹаблы гадынлары өз шәри вә гануни һүгугларындан мәһрум етдикдән сонра, бир даһа сүлһ вә дүзҝүн јолда гәрарлашыб вә илаһи һөкм вә халгын истәји илә разылашыблар. Бу елә бир һалдадыр ки, Азәрбајҹан Республикасында сон заманлар һәјата кечирилән бу һәрәкәт онларын ислаһ етдикләри һәрәкәтин там гаршысындадыр.
Мән вә бүтүн мүсәлманлар бу әсассыз гәрарын сизин тәрәфиниздән ләғв олунаҹағы вә халгын архасы сизә вә һөкумәтинизә сөјкәнәҹәјини ҝөзләјирик. Сизин өлкәниз дә бир чох өлкәләр кими проблемләри вар. Бүтүн бу проблемләр өз гызларынын намусунун горунмасына ҝөрә бир груп инанҹлынын һәбс олунмасы илә дејил, вәһдәт вә милли бирлик сајәсиндә һәлл олунмалыдыр. Гызларынын намусунун горунмасына ҝөрә бир груп инанҹлынын һәбс олунмасы бир милли һөкумәтин рәсмисинә јарашмаз.
Үмид едирәм ки, бу гејдләр тәсирли олаҹаг вә нәтиҹә верәҹәк.
Гум Дини Елмләр Һөвзәси
Ҹәфәр Сүбһани
Диггәт: Хәбәрдән истифадә етдикдә мәнбәјә истинад лазымдыр
