Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдри Мөвсүм Сәмәдовун вә онунла бирҝә партија рәһбәрлијинин һәбс олунмасы өлкәдә бөјүк резонанс јарадыб. Артыг Азәрбајҹанда һәм дөвләт идарәләриндә, һәм мүхалифәт дүшәрҝәсиндә вә һәм дә јерли әһали арасында бу мөвзу ҝениш мүзакирә објектинә чеврилиб. АИП сәдри вә онун әмиси оғлунун евиндән силаһ тапылараг һәбс олунмасы, бүтүн дүшәрҝәләрдә мүхтәлиф мөвге илә гаршыланыр. Мүхалифәт дүшәрҝәси вә инсан һүгуглары мүдадиәчиләри бу һәбси шәр-бөһтан вә ганунсуз әмәл, дөвләт вә дөвләтә јахын олан гурумлар исә һаглы сајыр. Јанвар ајынын 10-да Гафгаз Мүсәлманлар Идарәси (ГМИ) дә АИП сәдринин һәбс олунмасына сәбәб кими ҝөстәрилән партијанын Баш Мәҹлисиндә чыхышыны тәнгид едиб. Мөвсүм Сәмәдовун чыхышыны ҹәмијјәтдә зәрәрли мејлләрә, парчаланма вә гаршыдурма ҹәһдләринин јаранмасы кими гијмәтләндирмиш ГМИ, бу ҹүр чыхышылары гәбуледилмәз сајыб.
Дүнән артыг Гафгаз Мүсәлманлар Идарәсинин Мөвсүм Сәмәдовла бағлы тәнгиди чыхшына, Дағ Јәһудиләри Иҹмасынын сәдри Семјон Ихииловдан дәстәк ҝәлиб. Азәрбајҹанда русҹа фәалијјәт ҝөстәрән Азе.аз сајтына мүнасибәт билдирән Семјон Ихиилов, "Биз Азәрбајҹандакы јәһудиләр, Гафгаз Мүсәлманлары Идарәсинин вердији бәјанаты тамамилә дәстәкләјирик"-сөзләрини дејиб.
Мәһз Јәһуди Иҹмасынын АИП сәдринин һәбсини вә ГМИ-нин бу мәсәлә илә бағлы сәрт бәјанат вермәсини дәстәкләмәси мараг доғурмурму?!
Диггәт: Хәбәрдән истифадә етдикдә мәнбәјә истинад лазымдыр
