Әһли Бејт -АБНА- хәбәр аҝентлијинин вердији хәбәрә әсасән: Ҝәнҹә һүгуг мүһафизә органлары тәрәфиндән тәзјигләрә мәруз галараг, евинә басгын едилмиш вә һеч бир әсас олмадан 3 ҝүн һәбсә галмыш Ҝәнҹә сакини Аббасов Фүзули, башына ҝәләнләрдән ФактХебер.ҹом сајтына мәлумат вериб
Сон ҝүнләр Азәрбајҹанда диндарлара гаршы тәзјигләрин артмасы адәт һалыны алыб. Өлкәнин бир нечә бөлҝәләриндә инанҹлы инсанлар мүхтәлиф шәкилдә тәзјигләрә мәруз галырлар. Ҝәнҹә шәһәринин сакинләри дә тәзјигә мәруз галанларын сијаһысында јер алыб. Артыг бир нечә мүддәтдир ки, шәһәрин инанҹлы сакинләри јерли полис органлары тәрәфиндән тәгибләрә вә һәбсләрә мәруз галырлар. Шәһәрин инанҹлы сакинләри орта мәктәбләрдә һиҹабын гадаған олунмасына етираз әламәти олараг, декабр ајынын 24-ү кечирилән етираз аксијасындан сонра, полис тәрәфиндән һәбс олунублар. Артыг бир нечә нәфәр шәһәр сакини, полис бөлмәсинә апарылраг гејри-гануни орада сахланылыб. Бу ҝүнләрдә Ҝәнҹәдә полис әмәкдашлары тәрәфиндән һәбс олунан Аббасов Фүзулидән баш верән һадисәләрлә бағлы мүнасибәт өјрәндик. Ҝәнҹә һүгуг мүһафизә органлары тәрәфиндән тәзјигләрә мәруз галараг, евинә басгын едилмиш вә һеч бир әсас олмадан 3 ҝүн һәбсә галмыш Ҝәнҹә сакини Аббасов Фүзули, башына ҝәләнләрдән ФактХебер.ҹом сајтына мәлумат вериб. Мүхбиримизин суалларыны ҹавабландыран Ҝәнҹә сакини, һадисәнин ҝөрүнмәјән тәрәфләрини интернет сајтымыза ачыглајыб.
Сизи һансы әсасла полис бөлмәсинә дәвәт едәрәк һәбс етдиләр?
Әввәлҹә саһә мүвәккили олан Мүбариз адлы полис әмәкдашы јашадығымыз мәнзилә ҝәләрәк мәним Кәпәз Рајон полис бөлмәсинә ҝәлмәјими истәди. Ондан сәбәбини сорушдугда садәҹә олараг диндирилмәк үчүн чағрылдығымы билдирди. Полис бөлмәсинә мәни апардыгдан сонра КРПИ-нин рәиси Әдаләт Садыговла ҝөрүшдүрдүләр. Бир саата јахын полис рәиси мәндән мүәјјән суаллар сорушду. Сонра мәним бир ҝүн полис бөлмәсиндә сахланмағымын ваҹиб олдуғу дејәрәк, һәмин ҝүнүн ахшамы мәни полис бөлмәсиндә сахладылар. Мән сәбәбини сорушанда ки, мәни нијә ганунсуз сахлајырсыз, ҹавабында һиҹабын орта мәктәбләрдә һиҹабын гадаған едилмәсинә етираз әламәти олараг кечирилән аксијас заманы полис ишчиләрины гаршы мүгавмәт ҝөстәрдијими дедиләр. Һалбуки, мән һеч бир полис әмәкдашына гаршы мүгавимәт ҝөстәрмәмишдим. Вә бу әсассыз иттиһамла мәнә 3 ҝүн һәбсдә сахладылар..
Һәбсдә олан мүддәтдә сизә гаршы тәзјигләр олубму?
Мәнә гаршы физики тәзјигләр олмады. Амма мәндән ганунсуз олараг изаһатлар алыныр вә полис ишчиләри тәрәфиндән мәнәви тәһгирләрә мәруз галырдым. Һәбсдә олдуғум мүддәтдә Кәпәз рајон полис идарәсинин рәис мүавини Октај Мәрданов, Ислам динин мүгәддәсләринә вә Гурана гаршы тәһгирләр сөјләјирди. Вә ибадәт етдијимә ҝөрә, мәни ағылсыз адландырыб, шәхсијјәтимә лајиг олмајан сөзләри дејирди.
Дејиләнләрә ҝөрә сиз һәбсдә олан мүддәтдә полис әмәкдашлары тәрәфиндән јашадығыныз мәнзилә басгынлар олуб? Һәтта јатағынызын алтына ҝүллә гојараг сизи шәрләмәк истәјибләр. Бу дејиләнләр доғрудур?
Бәли, мән һәбсдә олан мүддәтдә Кәпәз РПИ-нин рәис мүавини Октај Мәрданов 20-ә јахын полис ишчиләри бирҝә јашадығымыз мәнзилә сохулараг, евдәки гадынлары тәһгир едиб вә мәним јатағымын алтына ҝүллә гојмаг истәјиб. Октај Мәрдановун ҝөстәриши илә Һабил адлы полис ишчисинин ҝөрдүјү бу ишә гаршы етираз едән гардашым, полис ишчиләри тәрәфиндән вәһшиҹәсинә дөјүлүб. Бундан сонра Октај Мәрданов мәним јаныма ҝәләрәк евимдән силаһ тапылмасы һаггында изаһата гол чәкмәјими мәнә мәҹбур едиб. Тәзјигләрә бахмајараг, мән изаһата гол чәкмәдим. 3 ҝүндән сонра мәни бурахдылар вә һеч бир мәтбуата ачыглама вермәмәјими мәндән тәләб етдиләр.
Һазырда Ҝәнҹә диндарларына гаршы нә кими тәзјигләр олунур?
Һазырда бир нечә диндарларын евләри полис ишчиләри тәрәфиндән нәзарәтә ҝөтүрүлүб. Өзләри шәһәрдән чыхыб. Ҝәнҹә полислләринин гејри-гануни әмәлләри үзүндән евә гајыда билмирләр.Мән билмирәм нә вахтдан динҹ јүрүш етмәк вә өз һүгугуну тәләб етмәк үчүн аксија кечирмәк ҹинајәт олуб. Биз артыг һүгуг мүһафизә органларынын бу гејри-гануни вә гејри-инсани әмәлләриндән ҹана дојмушуг.
Һазырлады: Вүгар Һүсејн, Хәјал Шүкүр
Диггәт:Хәбәрдән истифадә етдикдә мәнбәјә истинад лазымдыр
