Тәһлил олунан мәсәләләр барәдә ҝириш сөзү илә АИП сәдри Мөвсүм Сәмәдов чыхыш едәрәк топланты иштиракчыларына мәлумат верди вә ејни заманда чыхышына давам едәрәк өлкәмизин вә Азәрбајҹан халгынын марагларына ҹаваб вермәјән бир сыра һадисәләрә, әләлхүсус сон ҝүнләрин актуал мәсәләсинә чеврилмиш дини-мәнәви амилләрә вә милли менталитетимизә зидд олан аддымлара партијанын үмуми мөвгејини шәрһ етди. М Сәмәдов өлкәдә ислам атрибутларына һакимијјәт сәвијјәсиндә негатив вә халгымызын, һәмчинин Ислам дүнјасы вә дүнја мүсәлманлары тәрәфиндән бәјәнилмәјән тәзјиг, тәҹавүзләри кәскин писләјәрәк, бүтүн бунларын Республикамызда гарышыглыг јарадылмасына өлчүлдүјүнү билдирди.
АИП сәдри Мөвсүм Сәмәдов сон вахтлар тәһсил назирлијинин орта мәктәбләрдә һиҹаб гадағасынын тәтбигини динимизин ваҹиб әмәлләринә гаршыдөзүлмәз вә јол верилмәз ҹәһд кими гијмәтләндирәрәк бунун хариҹи гүввәләрин, хүсусән Ислам дүшмәнләринин тәсири илә баш вердијини билдириб.
Гејд олунду ки, һәр бир халгын мәнәвијјатынын әлиндән алынмасы, ашындырылмасы, фәрги јохдур дөвләтин башчысы олсун , ја да садә вәтәндаш, о халгын мәһви демәкдир. Бу ҝүн бәзи үздән ираг мәтбуат органларынын вә өлкә телевизијаларынын әксәријјәти санки өз үзәринә белә бир мисссијаны ҝөтүрмүш, мүсәлман халгымызын, Ислам мүгәддәсләринин, алимләринин тәһгириндән, ашағыламасындан белә чәкинмирләр. Партија сәдри өлкәдә баш верән әдаләтсизликләрин әсас сәбабкары кими өлкә президентини ҝөрүб. О, өлкәдә баш верән өзбашыналыглара ҝөрә, прерзидент Илһам Әлијеви кәскин шәкилдә тәнгид едиб. М. Сәмәдов баш верәнләри өлкәмизин вә халгымызын ҝүнаһсыз инсанларынын фаҹиәси кими гијмәтләндирәрәк бүтүн вәтәндашлары ајыг-сајыг олмаға, онлары арзуолунмајан истигамәтә сүрүкләмәк истәјән хәбис гүввәләрә гаршы вәһдәт һалында мүбаризә апармаға, мүгавимәт ҝөстәрмәјә чағырыб.
Диггәт: Хәбәрдән истифадә етдикдә мәнбәјә истинад лазымдыр.
