Әһли Бејт -АБНА- хәбәр аҝентлијинин вердији хәбәрә әсасән: Өтән ҝүн Әл-Мүстафа Бејнәлхалг Ислам Университетинин ректору Ајәтуллаһ Әрафинин Имам Хомејни Али Мәдрәсәсиндә охујан тәләбәләрлә ҝөрүш мәрасими кеширилиб. Мәрасимин кечирилмәсиндә башлыҹа мәгсәд тәләбәләрин проблемләри илә марагланмаг вә сон ҝүнләрдә тәләбәләрдә дәрин мәнәви из гојмуш бөјүк алим, Иран Ислам Ингилабынын рәһбәри Һәзрәт Ајәтуллаһ Сејид Әли Хаменеи илә ҝөрүш тәәссүратларыны бөлүшмәк олуб. Ҝөрүшдә хүсуси мәгамлар барәдә данышылыб.
Бурада әсас мәгам Ајәтуллаһ Хаменеинин хариҹи тәләбәләрә “Мәним әзиз өвладларым” дејә мүраҹиәт едәрәк сөзә башламасы иди. Рәһбәр һәмин ҝөрүшдә вурғулады ки, хариҹи тәләбәләр бурада гәриб дејил, әсл ев саһибләри онлардыр, тәләбәләрин бурада вәзифәси јалныз дини елмләрә јијәләнмәкдир. Ҝөркәмли алим Ајәтуллаһ Әрафи бу нөгтәләри хүсусилә тәләбәләрин диггәтинә чатдирды.
Бунлардан әләвә, тәләбәләрин өз үзәрләриндә ишләјәрәк истәр елми, истәрсә дә әхлаги ҹәһәтдән инкишафларынын зәрурилији вурғуланды. Бу чәтин ҝүнләрдә тәләбәләрин дүнја мәтбуатына өз төһфәләрини вермәлы олдуғу вә бу саһәдә активлијин зәрурилији гејд едилди. Бундан башга, дини тәһсил алан тәләбәләрин истәр мадди, истәрсә дә диҝәр чәтинликләрә сәбир етмәли олдуглары вургуланды. Сонда Имам Заманын (әҹ) “Фәрәҹ” дуасы охунду вә мәҹлис сона чатды.
Диггәт:Хәбәрдән истифадә етдикдә мәнбәјә истинад лазымдыр
