Әһли Бејт -АБНА- хәбәр аҝентлијинин вердији хәбәрә әсасән: Рабитә вә информасија технолоҝијлары назири Әли Аббасов вердији мүсаһибәдә билдириб: Азәрбајҹанын орбитә чыхараҹағы нөвбәти рабитә пејкләри өлкәнин өзүнә мәхсус орбитал мөвгеләрдә фәалијјәт ҝөстәрәҹәк.
Назирин сөзләринә ҝөрә, «Азәрбајҹанда космик сәнајенин јарадылмасы вә телекоммуникасија пејкләринин орбитә чыхарылмасы вә Азәрбајҹанда космик сәнајенин јарадылмасы вә инкишафы үзрә Дөвләт Програмы өлкәнин дүнја пејк аиләсинин үзвүнә чеврилмәси вә өлкәдә пејк технолоҝијаларынын истеһсалы вә тәтбиги үчүн ҝениш имканлар ачыб: «Нәзәрә алсаг ки, пејкин орбитә чыхарылмасы үчүн зәрури олан шәртләрдән бири орбитал мөвгенин әлдә олунмасыдыр вә ССРИ дағыларкән, јурисдиксијасында олан орбитал мөвгеләрин онун һүгуги вариси олан Русијаја кечмәси сәбәбиндән диҝәр МДБ өлкәләри кими Азәрбајҹан да өзүнүн орбитал мөвгејинә малик дејилдир. Буна ҝөрә дә, Азәрбајҹан орбитал мөвгенин әлдә едилмәси мәгсәдилә Бејнәлхалг Телекоммуникасија Иттифагы (БТИ) илә данышыглар апармагла паралел, пејкин орбитә чыхарылмасы үчүн реҝион өлкәләринин етдији ҹәһдләрин үстәләнмәси үчүн пејкин јерләшәҹәји орбитал мөвгенин әлдә олунмасы үзрә сәјләрини артырыб».
Ә.Аббасов гејд едиб ки, мөвҹуд базар шәраитиндә Малајзија һөкумәтинә мәхсус вә «Меасат» ширкәти тәрәфиндән бирҝә истифадә үчүн тәклиф олунан 460Ш орбитал мөвгедән истифадәнин коммерсија бахымындан даһа ҹәлбедиҹи олдуғу мәгбул һесаб едилиб вә ҹари илин мај ајында бирҝә истифадә барәдә мүгавилә бағланыб: «БТИ илә апарылан данышыгларын нәтиҹәси олараг, Азәрбајҹана мәхсус орбитал мөвгеләр мүәјјән едилиб вә тәсдигләниб. Демәк олар ки, нөвбәти пејкләримиз Азәрбајҹанын өзүнә мәхсус орбитал мөвгеләрдә фәалијјәт ҝөстәрәҹәк».
Назир һәмчинин билдириб ки, артыг пејкин орбитә чыхарылмасы тәдбирләри чәрчивәсиндә пејкин истеһсалы вә орбитә чыхарылмасы үзрә мүвафиг олараг «Орбитал» вә «Арианеспаҹе» ширкәтләри илә мүгавилә имзаланыб вә Азәрбајҹанын илк телекоммуникасија пејкинин 2012-ҹи илин сонунҹу рүбүндә орбитә чыхарылмасы нәзәрдә тутулур.
«Азәрбајҹан пејкинин тутумларынын коммерсија мәгсәдилә диҝәр өлкәләрә сатышы илә јанашы, өлкәнин бүтүн әразисиндә кејфијјәтли јајымын тәмин едилмәси, симли рабитәнин мүмкүн олмадығы јерләрдә пејк васитәсилә интернет, ВПН вә бу кими сүрәтли ЫП хидмәтләриндән истифадә едилмәси мүмкүн олаҹагдыр ки, телекоммуникасија пејкинин орбитә чыхарылмасы илә Азәрбајҹан МДБ мәканында сүни пејкә малик Русијадан сонра икинҹи өлкә олаҹаг вә реҝионда бу саһәдә өз лидерлијини даһа да ҝүҹләндирәҹәк», - дејә Ә.Аббасов вурғулајыб.
Диггәт: Хәбәрдән истифадә етдикдә мәнбәјә истинад лазымдыр
