Әһли Бејт -АБНА- хәбәр аҝентлијинин вердији хәбәрә әсасән: Ҝенерал Әлирза Тәнҝсири базар ертәси Теһранын Азәри Радиосуна вердији ексклүзив мүсаһибәсиндә пасдарлар корпусунун ракетли һәрби ҝәмиләринин Гәтәрдән өлкәјә дөнмәси програмы һагда дејиб: Корпусун бу миссијасы чох уғурлу алынды вә бу сәфәрдә әсас мәгсәд Иран вә Гәтәрин достлуг мүнасибәтләрини сүрәтләндирмәк, Фарс Көрфәзи әтрафында јерләшән өлкәләрлә мүнасибәтләри ҝенишләндирмәк вә гоншу өлкәләрин әмәкдашлығы илә реҝионда сабитлији бәргәрар етмәк олмушдур.
Ҝенерал мүсаһибәсинин давамында Сепаһын Дәниз Донанмасынын сәфәри вә ракетли ҝәмиләрин сон миссијасынын Пејғәмбәр Әзәм (с) һәрби тәлимләриндә Гәтәрин баш һәрби нүмајәндәләри вә командирләриндән бир нечә нәфәринин иштиракына ҹаваб олдуғунаишарә едәрәк билдириб: Гәтәрин бу иштиракына ҹаваб олараг Сепаһ 3 әдәд ракетли ҝәми вә 2 әдәд лоҹестик ҝәмини бир тәлим групу һејәтиндә Гәтәрә езам етмишди.
Сепаһын Дәниз Донанмасынын әвәзедиҹиси мүсаһибәсинин диҝәр һиссәсиндә реҝиондакы әҹнәби гүввәләрин иштиракынын мәгсәдләрини дә ачыглајыб.
Ҝенералын сөзләринә ҝөрә, Иран даим реҝионда хүсусилә дә һәссас Фарс Көрфәзи мәнтәгәсиндә сабитлик вә стабиллијин бәргәрар едилмәсини гаршыја мәгсәд гојуб. Анҹаг буна бахмајараг, дүшмәнләр иранофобија сијасәтини јүрүдүрләр.
Сепаһын јүксәк вәзифәли бу нүмајәндәси мүсаһибәсинин сонунда вурғулајыб: Дүшмәнләр реҝионда ганунсуз иштиракларыны әсасландырмаг вә гануни дон ҝејдирмәјә ҹәһд ҝөстәрирләр. Лакин бејнәлхалг конвенсијалара ујғун олараг һәссас тарихи Фарс Көрфәзи мәнтәгәсиндә јүзә јахын хариҹи ҝәминин иштиракы наһаг вә мәнасыздыр.
Ислам Ингилабы Пасдарлар Корпусунун һәрби ҝәмиләр һејәти шәнбә ҝүнүн Гәтәрдән Иранын ҹәнубунда јерләшән Бәндәр Аббас лиманына дөнүб.
Диггәт: Хәбәрдән истифадә етдикдә мәнбәјә истинад лазымдыр
