Әһли Бејт -АБНА- хәбәр аҝентлијинин вердији хәбәрә әсасән: Бејнәлхалг Гызыл Хач Комитәсинин (БГХК) Азәрбајҹан нүмајәндәлијинин Азәрбајҹанда сахланма јерләриндә вәрәмлә мүбаризә програмынын рәһбәринин көмәкчиси Елчин Мухтарлы журналистләр үчүн тәшкил олунан семинарда чыхышында билдириб: 1995-ҹи илдән бу ҝүнә кими Азәрбајҹанын ҹәзачәкмә мүәссисәләриндә ҹәза чәкән 10500-дән чох вәрәмли мәһкум мүалиҹәјә ҹәлб олунуб.
Е. Мухтарлы дејиб ки, БГХК 2007-ҹи илдән Азәрбајҹанын ҹәзачәкмә мүәссисәләриндә вәрәмли мәһкумларын мүалиҹәси үчүн програм һәјата кечирир. Бу мүддәт әрзиндә 300-дән чох мәһкум мүалиҹәјә ҹәлб олунуб. Онлардан 70-и там сағалыб. Програмын иҹрасы бу илин сонунда баша чатаҹаг.
БГХК тәмсилчиси дејиб ки, 1994-95-ҹи илләр әрзиндә Азәрбајҹанда 450 вәрәмли мәһкум дүнјасыны дәјишибсә, һазырда бу рәгәм 24-дүр.
Онун сөзләринә ҝөрә, һазырда Азәрбајҹанда ики мәһкумда мүалиҹәси мүмкүн олмајан ХДР вәрәми ашкарланыб.
Диггәт: Хәбәрдән истифадә етдикдә мәнбәјә истинад лазымдыр
