Әһли Бејт -АБНА- хәбәр аҝентлијинин вердији хәбәрә әсасән: Дүнја Азәрбајҹанлы Ҝәнҹләринин 1-ҹи Конгресиндә иштирак едән Азәрбајҹанын Авропа Шурасы јанында даими нүмајәндәлијинин рәһбәри, сәфир Ариф Мәммәдов ачыгламасында билдириб: “Ҝәнҹләр бүтүн ҹәмијјәтләрдә олдуғу кими Азәрбајҹанда да апарыҹы гүввәдир”.
“Азәрбајҹан дөвләти ҝәнҹләрлә ишә хүсуси өнәм верир” дејән сәфир конгресдә Президент Администрасијасынын иҹтимаи-сијаси шөбәсинин мүдири Әли Һәсәновун чыхышыны хатырладараг, дејиб ки, Азәрбајҹан һөкумәти үчүн Дағлыг Гарабағ мүнагишәсинин һәлли нә гәдәр өнәмлидирсә, ҝәнҹләрлә иш дә һәмин сәвијјәдә өнәмлидир.
Ҝәнҹләрин ҹәмијјәтдә фәалијјәтини ҝүҹләндирмәк, бүтүн просесләрә ҹәлб етмәјин ваҹиб олдуғуну сөјләјән дипломат, онларын бир нечә хариҹи дил билмәјинин зәрурәтини дә вурғулајыб: “Дөвләт гурумларында пешәкар, тәҹрүбәли шәхсләр вар, амма Авропада тәһсил алмыш, 2-3 хариҹи дил билән инсанларын сајы һәләлик аздыр. Јүксәк сәвијјәдә инҝилис, франсыз дилләриндә данышан ҝәнҹләрин дөвләт ишинә ҹәлб олунмасы ваҹибдир. Әлбәттә ки, јалныз дил билмәк кифајәт дејил, онларын профессионал һазырлығы, дөвләтчилик мәсәләләри аид кејфијјәтләри дә олмалыдыр”.
Гејд едәк ки, Азәрбајҹан дөвләти өзүнүн һуманист вә демократик дөвләт олдуғуну иддиа едир. Һуманист вә демократик дөвләтчилик нә демәкдир? – Һуманист вә демократик дөвләтчилик неҹә дејәрләр Азәрбајҹанын Авропа Шурасы јанында даими нүмајәндәлијинин рәһбәринин дедији кими десәк: Јәни “Ҝәнҹләр бүтүн ҹәмијјәтләрдә олдуғу кими Азәрбајҹанда да апарыҹы гүввәдир” демәкдир.
Бурада бир фикир јараныр. Ҝөрәсән Азәрбајҹанда һуманизим вә демократијадан фајдалана биләҹәк вәтәндашлармы дејәк јохса инсанлармы дејәк бәлкә мәхлуг нә билим өзләри демишҝән АЗӘРБАЈҸАНЛЫ, мәҝәр тәкҹә авропанын тәһсил оҹагларында (елм) өјрәнәнләрдир?! Јахуд һеч бир дини етигады олмајан атеист фикирлиләрдир?! Бәлкә һечбир милли вә мәнәви дәјәрләри гәбул етмәјән вә јери ҝәлдикдә бүтүн бунларын һаммысыны суал алтына салан вә мәнәви дәјәрләри мәһв едән шәхсијјәтсизләрдир?!
Азәрбајҹан дөвләти һансы һуманист вә демократик принсибләрә ујғун олараг ДИНДАР вәнтәндашлары ДӘЛИЛӘРЛӘ бир сәвијјәә тутараг депутатлыға вә президентлијә намизәдлијини вермәкдән чәкиндирир?! Әҝәр психоложи бахымдан диндарларда проблем варса бәс нијә диндарлары сечкиләрдә сәс вермә һүгугуна малик һесаб едир?! Һансы һагла әнәнәви динимизи дәриндән өјрәнмәк үчүн хариҹдә тәһсил алан ТӘЛӘБӘЛӘРИ вәтәнә ҝери гајытдыгда тәблиғ етмәји онлара гадаға гојур?! Хариҹдә дини тәһсил алан тәләбәләрә тәблиғ гадағасы гојулмасы әҝәр ҸАСУСЛУГ ИТТҺАМЫДЫРСА, бу иттиһам Израилдә, АБШ-да вә Авропада гејри дини тәһсил аланларада аиддир. Һәтта бу иттиһам онларда даһада ҝүҹлүдүр. Чүнки онлар ЕРМӘНИСТАНЫ даим дәстәклијән, Азәрбајҹана игтисади ембарго гојан ермәниләрә исә һуманитар јардымлар едән ХРИСТИАН вә ЈӘҺУДИ өлкәләриндә тәһсил алырлар!
Диггәт: Хәбәрдән истифадә етдикдә мәнбәјә истинад лазымдыр
