Әһли Бејт -АБНА- хәбәр аҝентлијинин вердији хәбәрә әсасән: 2010-ҹу илин 26 нојабр тарихиндә Канаданын Торонто шәһәриндә Онтарио Мүтәрәгги Мүсәлманлар тәшкилаты тәрәфиндән Онтарио парламентиндә зијафәт кечирилиб. Тәдбирдә Азәрбајҹан Республикасынын Канададакы сәфири Фәрид Шәфијев әсас чыхышчы гисминдә нитг сөјләјиб.
Чыхыш заманы Ислам вә Гәрб дүнјасы илә әлагәләрә тохунан сәфир Ф.Шәфијев бир сыра Гәрб өлкәләриндә исламафобијанын формалашмасыны тәәссүфлә гејд едиб. Азәрбајҹанын дүнјәви дөвләт вә әһалисинин 90%-дән чохунун мүсәлман олдуғуну сөјләјән сәфир Ф.Шәфијев Азәрбајҹанда бир нечә синагог вә килсәнин фәалијјәт ҝөстәрдијини вә бунун иҹтимаијјәт тәрәфиндән нормал гаршыландығыны билдириб. Сәфир Ф.Шәфијев тәҹавүзә мәруз галмасына вә ишғал олунмуш әразиләрдә мәсҹидләрин дағыдылмасына бахмајараг, Азәрбајҹанда христиан вә диҝәр динләрә гаршы толерант мүнасибәтин олдуғуну гејд едиб.
Ејни заманда, сәфир Ф.Шәфијев Торонтонун јерли радиосу “Жоһн Торј Сһоw” програмына мүсаһибә вериб. Мүсаһибә заманы сәфир Ф.Шәфијев өлкәмиздә дини толерантлыгла бағлы динләјиҹиләрә әтрафлы мәлумат вериб.
Гејд едәк ки, Азәрбајҹан рәсмиләринин хариҹдә белә сијасәт јүрүтмәләри дахилдә исә Һиҹаба гадаға гојуб Мәсҹидләри сөкмәләри парадоксун ашкар нүмунәсидир!
Диггәт: Хәбәрдән истифадә етдикдә мәнбәјә истинад лазымдыр
