Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Португалијанын пајтахтында Шимали Атлантика Алјансынын ики ҝүнлүк зирвә топлантысы башлајыб. НАТО-ја үзв олан 28 өлкәнин, о ҹүмләдән алјансын “Сүлһ наминә тәрәфдашлыг” програмында иштирак едән өлкәләрин дөвләт вә һөкумәт башчылары артыг Португалија пајтахтына ҝәлмәкдәдирләр. Азәрбајҹан президенти Илһам Әлијев дә саммитдә иштирак етмәк үчүн Лиссабона ҝедиб. Саммит чәрчивәсиндә НАТО үзвү өлкәләрлә тәрәфдаш өлкәләрин рәһбәрләри арасында бир сыра ҝөрүшләрин кечирилмәси нәзәрдә тутулур.
Лиссабон саммитиндә бир чох мүһүм гәрарларын гәбул едиләҹәји ҝөзләнилир. Бу сәбәбдән Лиссабон зирвә топлантысыны 1999-ҹу илдә кечирилән Истанбул саммитиндән сонра тарихи топланты адландырмаг олар. Бу саммитдә НАТО өлкәләри башчылары алјансын јени стратежи консепсијасыны гәбул едәҹәкләр. Бундан башга бу топлантыда Әфганыстан президентинин дә иштиракы мараг доғурур. Саммитдә Әфганыстанда тәһлүкәсизлијин тәмин едилмәси вә бу просесин 2014-ҹү илә кими тәдриҹән Әфганыстан милли гүввәләринә өтүрүлмәси дә мүзакирә едилән мәсәләләр сырасында олаҹаг. Әсас мүзакирә мөвзусу НАТО-нун ракетләрдән мүдафиә гурғуларынын Шәрги Авропа вә Түркијәдә јерләшдирилмәси мәсәләсидир. Ејни заманда, тәшкилат дахилиндә мүәјјән структур дәјишикликләри вә һәрби характерли ихтисарларын едилмәси ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
