Бир дөвләтин, бир милләтин ҝәләҹәји, онун јүкүнү дашыјан ҝәнҹләрдир. Дөвләтин ҝәләҹәји, онун јетишдирдији ҝәнҹләрин потенсиал имканларындан, дүнја ҝөрүшүнүн зәнҝинлијиндән, вәтәнә, милләтә, мәнәви дәјәрләринә мәһәббәтиндән гајнагланыр. Бу ҝүнүн әлдә китаб али тәһсил оҹагларынын аудиторијаларындаында парта архасында отуран ҝәнҹи сабаһын дөвләт хадими, јүксәк сијаси ареналарда дөвләтин сијаси, игтисади вә с.. проблемләрини һәлл етмәјә гадир бир шәхсијјәти демәкдир.
Ҝәләҹәјимизин гаранты олан ҝәнҹләримизин јүксәк али кејфијјәтләри мәнимсәмәси вә бу ресурслара там малик олмасы билаваситә зијалыларын вә хүсусилә мүәллимләрин өһдәсиндәдир.
Али кејфијјәт мәфһуму тәкҹә савад вә биликлә кифајәтләнмир. Јүксәк интеллектә малик олан инсанын савад вә дүнјаҝөрүшү илә бәрабәр онун мәсләк, әгидә, етигад, мүгәддәсләрә инам, милли мәнәви дәјәрләринә садиглији вә диҝәр бу кими мүгәддәс кејфијјәтләрә саһиб олмасы, бунлары өзүндә әкс етдирмәси әсас шәртләрдән һесаб олунур.
Бәс ҝөрәсән бу ҝүн мин бир арзу вә тәлашла али тәһсил оҹагларында тәһсил алан Азәрбајҹан ҝәнҹи гејд етијимиз јүксәк әхлаги дәјәрләри, өзләринә нүмунә һесаб едән мүәллим вә профессор һејәтиндән әлдә едә билирми? Али тәһсил оҹагларынын мүәллимләри, бу ҝүн онларын гаршысында, парта архасында отуран сабаһын зијалыларына, милләт вәкилләринә ән әсас сабаһын азәрбајҹанлысына нә дәрәҹәдә нүмунә олур, онлара вәтәнин тарихини, милли-мәнәви дәјәрләрини ашылаја билирләрми?
Бу јахынларда “Алма” адлы бир гәзетдә Ислам дининин баниси, Танрынын бәшәријјәти һидајәт етмәк үчүн ҝөндәрдији елчиси Һәзрәт Мәһәммәд (с) һаггында јајымланан тәһгирамиз бир мәгалә мәни дә бир мүсәлман, бир азәрбајҹанлы кими нараһат етди. Әлбәттә ки, нараһат етмәјә билмәзди. Гәзетин 13-ҹү сәһифәсиндә Пејғәмбәримизин һәјат вә фәалијјәтинә, һәтта утанмадан онун аилә мәсәләләринә тәһрифедиҹи јолла мүдахилә етмәкдән белә чәкинмәјән Турал Гурбанлы адлы әли гәләм тутмајан шәрәфсиз бир тип мүсәлманларын дини һејсијјәтинә зәрәбәләр ендирди. Бу диндән, имандан, мәнәви дәјәрләрдән чох узаг олан “јазар”, инсанлығын ифтихар таблосунун она јарашмајан карикатурасыны белә дәрҹ етмишдир. Дәфәләрлә гејд етдијимиз гәзетдә Ағалар Мәммәдов адлы шәхс дә бу тип јазылары илә чыхышлар едирди. Гејд едәк ки, Ағалар Мәммәдов Хәзәр Университетиндә мүәллим ишләјир вә вәзифәсиндән суи истифадә едәрәк ҝәнҹләримизи аллаһсызлыға дәвәт едир, Ислам дини һагда јанлыш мәлуматлар верир.
Әлбәттә бу кими тәхрибат характерли јазылара дүнјанын мүхтәлиф мәтбу органларында раст ҝәлмишик, мүгәддәс динимизин шәрәф вә ләјагәтини даим мүдафиә етмәкдән чәкинмәмишик, бир чох әсли билинмәјән “һарамзадә”ләрә лазыми ҹаваблар вермишик. Лакин Азәрбајҹан мәтбуатында белә бир аддым атмаға, өз тарихинә, ата-баба инанҹына нахәләф чыхмаға ҹүрәт едән вә ады кими, өзү вә фәалијјәти мәнасыз олан “Алма” гәзетинин буну дәрҹ етмәси бизим милләтимизлә вә дөвләт сијасәтимизлә зиддијјәт тәшкил едир. Чүнки Азәрбајҹанын 98%-и Ислам дининә инаныр, онун дини дәјәрләринә риајәт едир вә ән азындан еһтирамла јанашыр.
Бу мәгаләмдә онларын иддиа етдији фикирләрин јанлышлығыны сүбут едәҹәк дәлилләр ҝәтирмәк фикрим јохдур. Чүнки дәфәләрлә онларын иддиаларына гаршы кифајәт гәдәр елми сүбутлар ҝәтирмишик. Лакин “кор тутдуғуну бурахмаз” демишләр.
Тарих боју башы һәмишә галмагалларда олан јазыг милләтимиз! Азадлығынын, инанҹынын, намусунун мүдафәси јолунда бир савашдан гуртулмамыш диҝәринә синә ҝәрән халгымыз инди дә дахили дүшмәнләри, инанҹ вә һиссијјатына ләкә јахмаг истәјән ҹасусларын һүҹумуна мәруз галыб. Бир тәрәфдән азадлығы уғрунда ҹаныны Аллаһа гурбан верән Мүбариз Ибраһимов кими иманына садиг гәһрәманлары ҝөрәндә фәхр едирик ки, бу халга мәнсубуг. Диҝәр тәрәфдән исә “Алма” гәзетиндә мүгәддәсләрә атдығы бөһтанлары илә рекалм олмаг истәјән Туран Гурбанлы, Хәзәр университетинин аудиторијаларында Ислам дини әлејһинә өз мәнасыз фикирләри илә ҝәләҹәјимизи мәнәвијјатсызлыға сүрүкләјән Ағалар Мәммәдов кимиләрин сорағыны ешидәндә шәһидләримизин ганына һејфимиз ҝәлир.
Турал “бәј”, сәнин тәһгир етдијин Аллаһын елчиси Мәһәммәдин (с) вә онун һәјат јолунун давамчыларынын һесабына бу ҝүн динҹ вә асајишдә јашајырсан. Сән “Алма” гәзетиндә халгымызын дини инанҹыны тәһгир ет, гој сәнин јеринә Аллаһа вә Онун Рәсулуна садиг галанлар бу јолда шәһадәт мәртәбәсинә јүксәлсинләр. Әслиндә нә сән, нә дә ҹәһәннәмә васил олмуш устадын Туран Дурсун кимиләр бу мәртәбәјә лајиг дејилсиниз. Чүнки Ҹәннәт Аллаһ вә Рәсулуну севәнләр үчүн һазырланыб. Бу шәрәфлиләрин мәгамыдыр. Сәнин кимиләр үчүн исә Аллаһын ҹәзасы олараг Ҹәһәннәм атәши түкәнмәздир.
Сәнин тәһгир етдијин Аллаһ вә Һәзрәт Мәһәммәдә (с) инананлар, онун јолунун давамчылары, сонда шәрәфсизләрә һеч вәҹһлә гисмәт олмајаҹаг из гојурлар. Оху вә утан!
“Ҹаным атам вә анам, мәндән сары дарыхмајын, иншаллаһ, ҹәннәтдә ҝөрүшәҹәјик. Мәним үчүн бол-бол дуа един. Вәтәнин дар ҝүнүндә үрәјим дөзмүр. Аллаһа хатир буну етмәлијәм. Ән азындан үрәјим сәринлик тапар. Иншаллаһ, шәһид олана кими бу шәрәфсизләрин үстүнә ҝедәҹәјәм. Шәһид олсам, ағламајын, әксинә, севинин ки, о мәртәбәјә јүксәлдим. Аллаһа ибадәтләринизи дәгиг јеринә јетирин. Чохлу сәдәгә верин. Сејид нәвәси олараг буну етмәлијәм. Аллаһ бөјүкдүр, Вәтән сағ олсун. Һаггынызы һалал един.- Оғлунуз Мүбариз”.
Әли Рзазадә “Һәҹҹ” журналынын баш редактору
