Әһл Бејт-АБНА-хәбәр аҝентлијинин верији хәбәрә әсасән Мүсават Партијасы илә Демократија Уғрунда Иттифаг (ДУИ) 3 ијулда митинг кечирмәк үчүн Бакы Шәһәр Иҹра Һакимијјәтинә рәсми мүраҹиәт ҝөндәриб. Митингин јенә дә шәһәрин мәркәзи мејданларында кечирилмәси истәнилиб. Мүсават башганынын мүавини Тофиг Јагублунун вердији мәлумата ҝөрә, меријанын һансы ҹавабы вермәсиндән асылы олмајараг, митинг кечириләҹәк. Артыг бир нечә ҝүндүр ки, һәм Мүсават Партијасы, һәм дә ДУИ 3 ијул митингинә һазырлыг ишләринә башлајыб. Рајон тәшкилатлары митинг һазырлыглары илә бағлы топлантылар кечирир. Партија фәалларына әһали арасында митинглә бағлы тәблиғат, мәлуматландырма ишләрини апармаг тапшырығы верилир.
Т.Јагублунун вердији даһа бир мәлумата ҝөрә, митингдән ики ҝүн әввәл-ијулун 1-дә Мүсават Партијасынын гәрарҝаһында партијанын рајон тәшкилатлары фәалларынын башган Иса Гәмбәрлә ҝөрүшү олаҹаг. Топлантыда митингә һазырлыг мәсәләләри ҹидди мүзакирә едиләҹәк.
Етибар СЕЈИДАҒА
