Әһл Бејт-АБНА-хәбәр аҝентлији ФАКТХӘБӘР-Ә истинадән,срағаҝүн Јасамал Рајон Мәһкәмәсиндә диндарларын иши үзрә мәһкәмә просеси давам етди. Һаким Елчин Гурбановун сәдрлији илә кечирилән иҹласда дөвләт иттиһамчысы, иттиһам олунанларын вәкилләри вә јахынлары, еләҹә дә зә-рәрчәкмиш гисминдә шаһидләр иштирак едирдиләр. Хатырладаг ки, февралын 13-дә Мәһәммәд Пејғәмбәрин (с) вәфаты илә әлагәдар Һаҹы Султанәли мәсҹидиндә әзадарлыг кечирәндән сонра Хоҹалы фәҹиәсинин илдөнүмү әрәфәсиндә Шәһидләр Хи-јабаныны зијарәт етмәк истәркән полис зоракылығы илә үзләшән 5 нәфәр диндарын - Елмар Сәмәдов, Елчин Аббасов, Сејнур Һүсејнов, Ағаәли Јәһјајев вә Билал Әһмәдовун барәсиндә ики ајлыг һәбс-гәтимкан тәдбири сечилмишди. Просесә сәдрлик едән һаким Елчин Гурбанов әввәлҹә тәгсирләндирилән шәхсләр һаггында үмуми мәлумат ве-рәрәк, онлара иттиһам олундуглары маддәни хатырлатды. Даһа сонра шаһид гисминдә просесә дәвәт олунан Јасамал ра-јон Полис Идарәсинин әмәкдашы, полис баш чавушу, сүрүҹү Маһмуд Абдуллајевин ифадәләри динләнилди. О, мәлум һа-дисә илә бағлы гыса мәлумат верәрәк билдирди ки, диндарлар Нәримановун һејкәлинә гәдәр мүшајиәт олунублар. Һеј-кәлин јанында исә мүнагишә башлајыб. Чавушун сөзләринә ҝөрә, 100-ә јахын јүрүш иштиракчысынын тәхминән 60 фаизи һәмин анда ҝеријә гајытдылар. Јердә галан 40 фаиз иштиракчы илә полис арасында исә гаршыдурма јаранды. Вә диндарлар әлләриндә тутдуглары бајрағын тахталары илә полис ишчиләринә хәсарәт јетирдиләр. Чавуш өз ифадәсиндә даһа сонра билдирди ки, Елмар Сәмәдов Јасамал рајон Пост Патрул Хидмәтинин (ППХ) рәиси, полис мајору Сәрвәр Һүсејнова дашла хәсарәт јетириб. Сејнур Һүсејнов да полисләрә даш атырды. Амма вәкил-ләрин суалларына вердији ҹаваблар бу ифадәнин јалан олдуғуну үзә чыхарды. Вәкил: - Хәсарәт јетирәнләр конкрет олараг кимләр иди? Чавуш: - Ады Билал иди, амма сифәтдән танымырам. Мараглыдыр, полис нәфәри хәсарәт јетирән адамы сифәтдән танымырса, онун адыны һардан билир? Ән елементар мәнтигә ҝөрә о, әввәлҹә илк дәфә ҝөрдүјү адамын әввәлҹә адыны јох, сифәтини танымалыдыр. Полис нәфәринин ҹавабын-дан исә белә чыхды ки, мәһкәмә просесинә ҝөндәриләркән кимсә тәрәфиндән тәлиматландырылыб. Бу јердә вәкил үзүнү тәгсирләндирилән Елмар Сәмәдова тутараг, - сиз М.Абдуллајеви һадисә јериндә ҝөр-мүсүнүз? -, дејә сорушду. Е.Сәмәдов исә чавушу илк дәфәдир ки, ҝөрдүјүнү билдирди. Вәкил даһа сонра үзүнү чавуша тәрәф тутду: - Сиз тәгсирләндирилән Елчин Аббасову ҝөрмүсүнүз? - Хејр. - Сејнур дашы кимә атырды? - Һамыја. - Һамыны дөјүрдү? - ... - Хәсарәт аланлары бәлкә бајрагла вурмушдулар? - Билмирәм, бәлкә дә... - Бәс нәјә ҝөрә ибтидаи истинтагда Е.Сәмәдовун һәрәкәтләри барәдә мүстәнтигә ифадә вермәмисиниз? Онун полис мајоруна дашла хәсарәт јетирмәси мәһкәмәдә јадыныза дүшдү? Чавуш М.Абдуллајев бу суала конкрет ҹаваб верә билмәди. Онун ифадәси баша чатандан сонра шаһид кими ифадә вермәјә ҝәлән диҝәр полис чавушу - Фирдовси Әлијев зала дахил олду. Вә үмуми мәлумат верәрәк өзүндән әввәлки һәмкары кими ифадәсини Е.Сәмәдова гаршы иттиһамлар әсасында гурду. О да Елмарын дашла мајор С.Һүсеј-новун баш наһијәсинә хәсарәт јетирдијини сөјләди. Амма вәкилләрин она вердији суаллар бир даһа иттиһамын гондар-ма олдуғуну үзә чыхарды. Вәкил: - Дединиз ки, Елмар полис мајоруну дашла вуранда ҝөрмүсүнүз. Сиз һәмин јердән һансы мәсафәдә идиниз? Чавуш: - 150 метр кәнарда машынын јанында дајанмышдым. - Сәрвәр Һүсејновун папағы дешилмишдими? - Дешилмәмишди. - Даш һансы өлчүдә иди? Чавуш әлинин һәрәкәти илә дашын тәхминән 10 см диаметрлик өлчүдә олдуғуну сөјләди. Вәкил: - Сәмәдов, сиз Фирдовси Әлијеви таныјырсынызмы? - Мән ону февралын 14-дә полис идарәсиндә ҝөрмүшәм. Вәкил: - Чавуш, бәс тәгсирләндирилән Елчин Аббасов вә онун һәрәкәтләри барәдә нә дејә биләрсиниз? - Һеч нә. Гејд едәк ки, мајор Сәрвәр Һүсејнов өз ифадәсиндә ону кимин вурдуғуну ҝөрмәдијини, папағынын исә тәхминән 7 мм өлчүдә дешилдијини билдирмишди. Амма ҝөрүндүјү кими, "гартал ҝөзлү" чавуш 150 метр мәсафәдән даш атанын (өзү дә индијә гәдәр тынымадығы адамын - ред.) кимлијини таныјыр, хәсарәт аланын папағынын дешилмәдији-ни, дашын өлчүсүнү ачыг-ајдын ҝөрүр. Бу ифадәнин јалан, јахуд доғру олдуғуну сөјләмәк әлбәттә чәтин дејил. Ам-ма зиддијјәтли, мәнтигсиз вә чох гәрибә олдуғуну ајырд етмәк олдугҹа асандыр... Диҝәр шаһид, Јасамал рајон ППХ-нин баш чавушу Азәр Алыјев дә ејнилә өзүндән әввәлки шаһидләр кими по-лис мајорунун Е.Сәмәдов тәрәфиндән вурулдуғуну, башындан ган ахдығыны деди. Тәгсирләндирилән шәхсин вәкили исә һәмин ан Елмарын нәјә ҝөрә сахланмадығыны ајдынлашдырмаға чалышды: - Әҝәр һамыныз дашын Елмар тәрәфиндән атылдығыны ҝөрмүшдүнүзсә, онда нә үчүн ону тутмадыныз? Чавуш мәнтигсиз ҹаваб верди: - Һәмин вахт Елмар күтләнин ичәрисиндә иди. - Сиз Фирдовсидән нечә метр кәнарда идиниз? - Ондан тәхминән 10 метр габагда идим. - Атылан даш һансы өлчүдә иди? - Билмирәм. - Әҝәр Фирдовси буну 150 метр кәнардан ҝөрүбсә, нисбәтән јвахында олан адам кими сән дә ҝөрмәли идин. Бу вахт чавуш һејрәт ичиндә "нечә метрликдән?" - дејә сорушараг әлавә етди: - Мән 30-35 метр мәсафәдә идим. Ҝөрүнүр, һәмкары Фирдовсинин јүксәк һәссаслыглы феноменал ҝөрмә габилијјәти чох тәәҹҹүбләндирмишди. Һәтта о дәрәҹәдә ки, бир дәгигә әввәл мәсафә илә бағлы дедикләрини унутмушду. Һесабла о, һадисә јериндән 150-10=140 метр мәсафәдә олмалы иди. Јасамал Рајон Полис Идарәсинин әмәкдашы, Исајев сојадлы чавуш да ифадәсиндә Сәрвәр Һүсејновун Е.Сә-мәдов тәрәфиндән вурулдуғуну тәкрарлады. Вә буну өзү илә бәрабәр Фирдовсинин дә ҝөрдүјүнү деди. Бу вахт вәкил мүдахилә етди: - Сиз Фирдовси илә Азәрдән һансы мәсафәдә идиниз? - 5-6 метр оларды. - Сиз Фирдовсинин ҝөрүб ҝөрмәдијини һардан билирсиниз? - ... Диҝәр полис чавушу Афәр Надировун да ифадәси зиддијјәтләрлә долу иди. О, чавуш Тејмур Шириновун дөјүл-дүјүнү билдирсә дә, конкрет ад чәкмәкдә тәрәддүд етди. Јалныз дөвләт иттиһамчысынын суалындан сонра тәгсирләндири-лән шәхсләри хејли сүздү вә Елчин Аббасову ҝөстәрәрәк, - мән билән бу иди, - деди. Бу заман вәкил мәсәләјә ајдын-лыг ҝәтирмәјә чалышды: - Сиз ибтидаи истинтаг заманы Е.Аббасосун барәсиндә һеч бир ифадә вермәмисиниз, инди исә Тејмурун онун тәрәфиндән хәсарәт алдығыны дејирсиниз. Буну неҹә баша дүшәк? - ... - Мајор С.Һүсејновун неҹә, ким тәрәфиндән вурулдуғуну ҝөрмүсүнүзмү? - Хејр. Прокурорун мүдахиләси: - Ибтидаи истинтагда ифадә вермисиниз ки, Т.Ширинова Билал Әһмәдов хәсарәт јетириб, бурда исә Е.Аббасову ҝөстәрирсиниз. - ... Бундан сонра Сәбјел Рајон Полис Идарәсинин әмәкдашлары шаһид кими ифадә вердиләр. Илк ифадә верән полис баш лејтенанты Садиг Әсәдов һадисәнин һансы ајда баш вердијини хатырламаса да, деди ки, тәгсирләндирилән Ағаәли Јәһјајев бајрағын тахтасы илә чавуш Елшән Аббасова үч дәфә хәсарәт јетириб. Амма вәкил експертизанын рәјини ха-тырладараг, зәрбәнин сағламлыға зәрәр јетирмәси сәвијјәсиндә олмадығыны билдирди. Баш лејтенант исә бу зиддијјәтин сәбәбини екперт групундан сорушмағы мәсләһәт билди. Вәкил: - Чавуш Е.Аббасов бајрағынын тахтасынын она бир дәфә дәјдијини, һәм дә хәсарәт сәвијјәсиндә олмадығыны дејир. - Мән үч дәфә вурулдуғуну ҝөрмүшәм. - Бәс Елмар Сәмәдовун һәрәкәтләри нәдән ибарәт иди? - Билмирәм, ҝөрмәмишәм. Диҝәр полис әмәкдашы, чавуш Вәли Рзајевин ејни мәсәлә барәдә вердији ифадә исә бир-бири илә кәскин зиддиј-јәт тәшкил едирди. В.Рзајевин сөзләринә ҝөрә, Ағаәли јох, Билал Әһмәдов садәҹә бајрағы јелләјән заман онун тах-тасы јалныз бир дәфә Елшән Аббасова јүнҝүлҹә дәјди. Шаһид кими ифадә верән полис чавушу Асиф Һүмбәтов исә деди ки, тәгсирләндирилән Сејнур Һүсејновла полис идарәсиндә үзләшән заман биринҹинин сифәт наһијәсиндән хәсарәт алдығыны ҝөрүб. Гејд едәк ки, просесдә Јасамал полисләринин Елмар Сәмәдову һәдәф кими сечмәләри ачыг-ашкар һисс олу-нурду. Сәбајел полисләри исә үмумијјәтлә Е.Сәмәдовун полис мајоруна хәсарәт јетирмәси һагда һеч нә ҝөрмәдик-ләрини вурғуладылар. Бунунла да просес баша чатды. Нөвбәти мәһкәмә просеси ијун ајынын 30-у саат 11:30-да башлајаҹаг. Һазырлады: Нәриман
