Мәрһум Мәлики Тәбризи “Әсрарус-сәлат” китабында јазыр: “Мән ҝеҹәләри ибадәтлә кечирән бир шәхс таныјырам. Ҝеҹә намазынын вахты чатанда мәләкләр ону јухудан ојадыр...” Мәрһум Мәликини таныјан арифләр бу һалы онун өзүнүн јашадығыны дүшүнүрләр. Мәрһум Ахунд Молла Әли Һәмәдани нәгл едир ки, Мәлики Тәбризи мәҹлисләрдән бириндә деди: “Мәсум имамлардан бирини јухуда ҝөрмәк истәсәниз, бир ҝүн оруҹ тутун вә ифтардан сонра, јатмаздан габаг 100 дәфә “гул һувәллаһу әһәд” вә “инна әнзәлнаһу” сурәләрини охујун. Мәрһум Мәлики белә нәгл едир: “Бир мөвзуда китаб јазмышдым. Сонрадан билдим ки, мәрһум Фејз Кашани дә ејни мөвзуда китаб јазыб. Оруҹ тутуб,100 дәфә һәмин сурәләри охудум вә јатдым. Јухуда Имам Садиги (ә) ҝөрдүм. Имамдан сорушдум ки, Фејзин китабы јахшыдыр, јохса мәним? Имам сусду. Мән тәкидлә ондан ҹаваб истәдим. Имам Фејзин китабынын даһа јахшы олдуғу бујурду. Мән јаздығым китабы мәһв етдим.”
