Әһл Бејт-АБНА-хәбәр аҝентлијинин хәбәринә әсасән дүнән Медиа Мәркәзиндә Јевлах рајонундан ҝәлмиш бир груп диндар иҹра башчысы Елмар Вәлијевин ганунсуз әмәлләри илә бағлы мәтбуат конфрансы кечирди. Үзләшдикләри проблемләрдән сөз ачан Јевлах “Ҹүмә” мәсҹидинин иҹма үзвү Рамин Гулијев билдирди ки, иҹра башчысы нечә илдир рајонда саһибкарлыгла мәшғул олан шәхсләрә вә дин адамларына гаршы әдаләтсиз мөвге тутуб: “6 илдир иҹра башчысынын амансыз тәзјигләри илә үз-үзә галмышыг. 2006-ҹы илдә Рамазан ајынын 19-да мәсҹидә ајаггабы илә ҝирән иҹра башчысы орадакы адамлара һәдә горху ҝәлиб, ислам динини тәһгир едиб, азанын сәсләндирилмәсинә гадаға гојуб.
Ијунун 3-дә исә һеч кәсин рәјини нәзәрә алмајан башчы мәсҹидә мәхсус һәјәтјаны саһәни имканлы бир шәхсә сатыб. Мәсәлә илә бағлы өлкә башчысына, Гафгаз Мүсәлманлары Идарәсинә, Дахили Ишләр Назирлијинә телеграма вурмушуг. Амма нәтиҹәси јохдур. Иҹра башчысы ијулун 3-дә севимли Пејғәмбәримизин гызы Фатмаји Зәһранын мөвлуду ҝүнү шәһәрдә гадынлара ҝүл пајлајан һиҹаблы ханымларымызы тәһгир едиб. Онлары әхлагсызлыгда сучлајыб. Һәмин ҝүн шәһәрдә ки, шәһәрдәки һәјәтиндә мәрасим кечирән Турал Гијаслыја гаршы тәзјигләр едилиб. Һәјәтә ҝәлән полисләр онун гурдуғу чадыры дағыдыб, өзүнү исә полис бөлмәсинә апарыблар. Наразылыг едәнләрә гаршы исә ҹинајәт иши галдырылыб”.
Елә бу сәбәбдән дә ијун ајынын 11-дә 130-а јахын Јевлах сакини Бакыја шикајәтә ҝәлиб. Онлар үзләшдикләри вәзијјәтлә бағлы Президент Администрасијасында, Дахили Ишләр, Милли Тәһлүкәсизлик назирликләриндә вә Баш Прокурорлугда олублар. Амма нә фајдасы? Бу ҝүнләрдә рајона дөнән шикајәтчиләрин бир нечәсини полис шөбәсинин әмәкдашлары һәбс едиб. Гијаса мәхсус тахыл зәмисинә од вурулуб. Рајон әразисиндә һиҹаблы гадынларын автобуслара минмәси гадаған едилиб. Шикајәтә ҝәләнләрин бир чохларынын објектләри әлиндән алыныб. Шикајәтчләрин сөзләринә ҝөрә, иҹра башчысы Бакыја ҝәләнләрин һамысыны тутдураҹағы илә һәдәләјиб: “Бизим дә тутулма горхумуз вар. Бир сөзлә, бу ҝүн Јевлахда јалныз Елмар Вәлијевин ганунлары ишләјир. О тәкҹә инанҹ адамларына дејил, диҝәр сакинләрә дә зүлм едир. Рајонда һамы бу инсанын зүлмүндән ҹана дојуб. Јевлахда рүшвәтхорлуг, гоһумбазлыг баш алыб ҝедир. Шәхсән бизим ичәримиздә елә адам вар ки, 9 ајды ишләмирәм, мағазалары зорла әлимдән алыб. Бакыја ҝәлмәјә пул тапа билмирик. Амма иҹра башчысынын гијмәти билинмәјән машынлары, чохлу сајда виласы вар. Гардашы һәрби прокурорудур. Рајонун баш Ахунду Намиг Әлијевдә иҹра башчысынын гәзәбинә туш ҝәлиб. Һәтта она гаршы тәзјиг о һәддә чатыб ки, оғлу ҹәраһијјә әмәлијјаты олунаркән башчынын тапшырығы илә ишыг кәсилиб. Үзләшдијимиз проблемләрлә бағлы мәһкәмәләрә мүраҹиәт етсәк дә, нәтиҹәси јохду. Одур ки, гәрара ҝәлмишик ки, гаршыдан ҝәлән сечкиләрә гатылмајаг ”.
Тәзјигләрә мәруз галмыш рајон сакини Мирсалеһ Исмајылзадә дә Е.Вәлијевин рајонда зүлмүнүн әршә дајандығыны деди: “Шикајәт етдикҹә вәзијјәтимиз писләшир. 11 ҝүндү Бакыдајыг. Һәбс олунаҹағымыздан горхдуғумуз умуз үчүн рајона гајыда билмирик”.
Рамил Һүсејнов исә бу ҝүнләрдә иҹра башчысынын тапшырығы илә һәбс олундуғуну деди: “Бу ајын 11-дә Бакыдан евә гајыдаркән һәбс олундуг. Бизә дедиләр ки, асајышы поздуғунуз үчүн сизи һәбс едирик. 5 нәфәр идик, 3-5 сутка вериб һәбсә атдылар. Елмар Вәлијев иш јериндә намаз гылан инсанларын ишдән чыхарылмасы барәдә ҝөстәриш вериб. Башчы бизлә дүшмән кими һәрәкәт едир”.
МӘҺӘББӘТ
