Әһл Бејт-АБНА- хәбәр аҝентлијинин вердији хәбәрә әсасән Ирана гаршы санксија гәбул едилдикдән сонра Иран вә Русијанын дипломатлары Теһранын нүвә програмы әтрафында јаранмыш ҝәрҝин вәзијјәтдә икитәрәфли әмәкдашлығын давам етдирилмәси илә бағлы мәсләһәтләшмәләр апармагдадыр. Бу мәгсәдлә Русија хариҹи ишләр назиринин мүавини Алексеј Бородавкин Теһранын Москвадакы сәфири Маһмудрза Сәҹҹади илә ҝөрүшүб. мәтбуат хидмәтләринә истинадән билдирилир: “Русија-Иран ики тәрәфли әмәкдашлығы, илк нөвбәдә игтисади әмәкдашлығыны давам етдирилмәси илә бағлы мүсбәт информасија мүһитинин јарадылмасы әсас мүзакирә мөвзусу олуб”. Русијанын хариҹи ишләр назири Серҝеј Лавров исә билдириб ки, ики дөвләт арасындакы игтисади-тиҹарәт әмәкдашлығынын әсас принсипләри “мүтләг шәклидә тәмин едилиб”. Бушәһр Атом Електрик Стансијасында ишләри баша чатдыраҹагларыны сөјләјән назир дејиб: “Биз Иранлы тәрәфдашларымызла јени АЕС-ин тикинтиси илә бағлы мәсәләләри дә мүзакирә едирик”.
