Теһранда имам Хомејни (р) адына һүсејнијјәдә Пејғәмбәр (с) ҹанишини, тәгвалылар мөвласы һәзрәт Әлинин (ә) шәһадәти мүнасибәтилә әзадарлыг мәрасими кечирилиб. Ајәтуллаһ Хаменеинин имамәти илә ҝүнорта намазы гылындыгдан сонра мәрасим башлајыб. Мәзлуманә шәһадәти гәдр ҝеҹәләринә тәсадүф етмиш һәзрәт Әлинин (ә) шәһадәт илдөнүмүнү бүтүн Әһли-бејт ашигләри гејд едир. Сејр-сүлук јолунда гәдәм ҝөтүрәнләр јахшы билирләр ки, Әмирәлмөминин Әли (ә) бу јолун етибарлы бәләдчисидир. Һәзрәт Әлини танымадан, онун өмүр јолуну изләмәдән тәкамүл јолуну ҝетмәк мүмкүнсүздүр. Тәгвалылар мөвласынын һәр рәфтары, һәр бујуруғу илаһи ешг јолчулары үчүн зүлмтләри јаран нурдур. Ән азындан "Нәһҹүл-бәлағә"ни охујун вә дүшүнүн!
