ҺаггЈолу – ХезерХебер Түркијә күтләви информасија васитәләринә истинадән билдирир ки, Баш Назирликдән едилән ачыгламада билдирилир ки, Рәҹәб Тәјјиб Әрдоған БМТ Тәһлүкәсизлик Шурасынын даими вә мүвәггәти үзвләри, П5+1 өлкәләри, Түркијәјә гоншу олан өлкәләр вә реҝион өлкәләринә ҝөндәрилән мәктубда Түркијә, Бразилија вә Иран арасында әлдә олунан анлашма һагда мәлумат вериб.
Мәктубда Түркијә баш назири өлкәсинин принсип олараг нүвә силаһына гаршы чыхдығыны, бөлҝәнин белә силаһлардан тамамилә тәмизләнмәли олдуғунун ваҹиблијини вурғулајыб. Дипломатија вә данышыглар масасынын һәлә дә ән тәсирли јол олдуғуну гејд едән Әрдоған сөјләјиб ки, Түркијә конструктивлик, әдаләт вә һүгугун үстүнлүјүнү дәстәкләјән сијасәтини давам етдирәҹәк.
Түркијә баш назиринин мәктубу Азәрбајҹан дөвләт башчысы илә јанашы, Алманија, Австрија, Бирләмиш Әрәб Әмирликләри, Бәһрејн, Боснија, Болгарыстан, Чин, Франса, Габон, Ҝүрҹүстан, Ираг, Инҝилтәрә, Ниҝерија, Јапонија, Гәтәр, Күвејт, Ливија, Ливан, Мексика, Оман, Сәудијјә Әрәбистаны, Сурија, Уганда вә Јунаныстан лидерләринә үнванланыб.
