Ислам Конфрансы Тәшкилатына үзв өлкәләрин хариҹи ишләр назирләри шурасынын Таҹикстанын пајтахты Дүшәнбәдә кечирилән 37-ҹи сессијасында Дағлыг Гарабағла бағлы 3 гәтнамә гәбул едилиб. ИТВ хәбәр верир ки, биринҹи гәтнамдә Ермәнистан тәҹавүзкар өлкә кими таныныр вә бунун гурумун ҝәлән илин мартында Гаһирәдә кечирләҹәк саммитиндә Дағлыг Гарабағла кечирилҹәк мүзакирәләрдә дајаг нөгтәси олаҹағы билдирилир. Икинҹи гәтнамәдә ермәни тәҹавүзү нәтиҹәсиндә әзијјәт чәкән инсанлара малијјә вә игтисади ҹәһәтдән јардым ҝөстәрилмәси мәсәләси нәзәрдә тутулур. Үчүнҹү гәтнамәдә исә Ермәнистанын тәҹавүзү нәтиҹәсиндә Азәрбајҹан торпагларында тарихи Ислам абидәләринин дағыдылмасы ифша олунур. Сессијада Дүшәнбә 2010-ҹу илин Ислам мәдәнијјәти пајтахты елан едилиб. Топланты ишини сабаһ јекунлашдыраҹаг.
