Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Руссиа Тодај хәбәр аҝентлијинин мәлуматына ҝөрә, Миннеаполис мери Ҹејкоб Фреј елан едиб: “Бәзи федерал забитләр бу ҝүн шәһәри тәрк едир вә мән галанлары ҝедәнә гәдәр федерал һөкумәтә тәзјиг ҝөстәрмәјә давам едәҹәјәм.”
НБҸ һәмчинин мәлумат вериб: “Федерал сәрһәд патрул хидмәти онларын мөвҹудлуғуна гаршы етиразлардан сонра гошунларынын бир һиссәсини Миннеаполисдән ҝери чәкәҹәк.”
Мәлумата ҝөрә, АБШ Ҝөмрүк вә Сәрһәд Мүһафизәси бу һәфтә Миннеаполисдә јерләшән гошунларын сајыны азалтмаг нијјәтиндәдир.
Ағ Евин сөзчүсү Керолин Левитт дә әввәлки мөвгеләриндән ачыг шәкилдә ҝери чәкиләрәк елан едиб: “Президент Доналд Трамп да дахил олмагла, администрасијада һеч ким Америка күчәләриндә инсанларын өлдүрүлмәсини истәмир.”
О, һәмчинин етиразчылары күчәләрдә олмаға давам етмәләри барәдә хәбәрдар едәрәк дејиб: "Трамп хаосун битмәсини истәјир".
Трамп һәмчинин Миннеаполис мери илә телефон данышығындан мәмнунлуғуну ифадә едәрәк деди: “Миннеаполис мери илә чох јахшы телефон данышығым олду вә чох ирәлиләјиш әлдә едилди."
Гејд едәк ки, Американын мүхтәлиф шәһәрләринин күчәләри Трамп администрасијасынын Дахили Тәһлүкәсизлик Департаменти тәрәфиндән етиразчыларын өлдүрүлмәсинә гаршы күтләви нүмајишләрин мәканы олараг галыр.
Трамп администрасијасынын иммигрантлара гаршы сијасәтинә ҹаваб олараг, Миннеаполис халгы күтләви етиразлар кечирмәклә јанашы, иммигрантларын тәһлүкәсизлијини вә доланышыгларыны тәмин етмәк үчүн горујуҹу тәдбирләр ҝөрүб.
Һесабата ҝөрә, Миннеаполис халгы гоншуларыны иммиграсија мәмурларынын олмасы барәдә хәбәрдар етмәк үчүн нәзарәтчиләр јаратмагла вә һәбс олунмаг горхусундан евләриндә галан иммигрант аиләләринә әрзаг чатдырылмасыны тәшкил етмәклә Трамп администрасијасынын сијасәтиндән горунмаға чалышыр.
Миннеаполис халгынын күтләви нүмајишләри ҹүмә ҝүнү даһа да шиддәтләнди вә шәнбә, базар вә базар ертәси ҝүнләри давам етди.
АБШ иммиграсија полисинин вәһшилијинә гаршы етиразлар өлкәнин диҝәр шәһәр вә штатларына јајылды вә медиада Лас Вегас, Лос-Анҹелес, Чикаго, Нју-Јорк, Небраска вә диҝәр шәһәрләрдә етиразлар барәдә мәлуматлар јајылды.
Хатырладаг ки, јени ил ҝеҹәсиндән бәри Лос-Анҹелесдән Кејт Портер, Миннеаполисдән Рене Гуд вә Миннеаполисдән Алекс Прети АБШ иммиграсија полисинин вәһши һүҹумларынын гурбаны олублар.
Sizin rəyiniz