Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Пакистан баш назири Шаһбаз Шәриф Иран президентилә бирҝә мәтбуат конфрансында сионист режимин Иран вә Фәләстинә гаршы һүҹум вә тәҹавүзләрини писләјиб, өлкәсинин Иран Ислам Республикасынын мөвгеләри вә Фәләстин халгынын һүгугларыны һимајә етдијини вурғулајыб.
Пакистан баш назири һәмчинин сионист режимин Иран Ислам Республикасына гаршы сон һәрби тәҹавүзүнә тохунуб вә белә дејиб:
“Ијун ајында сионист режим һеч бир дәлил вә һеч бир агиланә әсас олмадан Ирана гаршы мүһарибәјә башлады. Бу мүһарибә тәкҹә мәним вә мәним һөкумәтим тәрәфиндән дејил, һәм дә 240 милјон Пакистан вәтәндашынын нөгтеји-нәзәриндән тамамилә писләнир вә гәбуледилмәздир.”
Иран халгынын бу тәҹавүзләр гаршысында дуруш ҝәтирмәсини јүксәк дәјәрләндирән Шаһбаз Шәриф әлавә едиб: “Ислам Ингилабынын Али Рәһбәри вә Иран президенти силаһлы гүввәләрлә јанашы, шүҹаәтли вә агиланә рәһбәрликлә өз өлкәләрини мүдафиә етди вә Иран ракетләринин јағышы алтында сионист режимин мүдафиә системинин зәифлији вә фајдасызлығыны нүмајиш етдирдиләр.
Өлкәсинин бејнәлхалг һүгуг чәрчивәсиндә Иранын һүгугларыны там шәкилдә һимајә етдијини вурғулајан Пакистан баш назири дејиб:
“Пакистанын принсипиал мөвгеји будур ки, БМТ Низамнамәсинә әсасән, Иран нүвә енержисиндән динҹмәгсәдли истифадә јолунда аддым атмаг үзрә там һагга маликдир. Биз бу гануни һаггы һимајә едирик.”
Пакистан баш назири һәмчинин Иранла игтисади әмәкдашлыгларын ҝенишләндирилмәсини алгышлајыб, имзаланмыш меморандумларын тезликлә иҹра мүгавиләләринә чевриләҹәјинә үмидварлыг едиб.
Бизим ортаг мәгсәдимиз, бу ҝөрүшдә барәсиндә әһатәли шәкилдә данышдығымыз икитәрәфли тиҹарәт мүбадиләләрини он милјард доллар сәвијјәсинә чатдырмагдыр.
Sizin rəyiniz