Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ирагын Али Мәһкәмә Шурасы Ајәтуллаһ Мәһәммәд Багир әс-Сәдр вә онун баҹысы Шаһидә Бинт әл-Һуданын гәтли иши үзрә елан едиб: Ирагын Али Мәһкәмә Шурасы сабиг Сәддам режиминин репрессија апаратында вәзифә тутан вә Ајәтуллаһ Шәһид Мәһәммәд Багир әс-Сәдр илә онун баҹысы Шәһидә Бинт әл-Һуданын гәтли иши үзрә мәһкумлардан икиси үчүн өлүм һөкмү чыхарыб.
Бәјанатда гејд олунуб ки, сабиг вә деврилмиш Ираг режими илә әмәкдашлыг едән вә репрессија апаратында вәзифә тутан ики мәһкум, Дијалә көрпүсү әразисиндә гурбанларын өлдүрүлмәси вә даһа сонра Шәһид Сәдрин ҹәназәсинин Нәҹәф Әшрәф вилајәтинә көчүрүлмәси ҹинајәтиндә иштирак етдикләрини етираф едибләр.
Кечән јанварда Ираг Милли Тәһлүкәсизлик Тәшкилаты кечмиш Баас режиминә бағлы “ән ҹинајәткар шәхсләрдән” бешини һәбс етдијини ачыгламышды. Бу шәхсләр арасында шәһид дини рәһбәр Ајәтуллаһ Мәһәммәд Багир әс-Сәдр вә онун баҹысы Бинт әл-Һуданын, һәмчинин Әл-Һәким аиләсинин бир сыра үзвләринин гәтлини төрәдәнләр, дә вар.
Sizin rəyiniz