АБНА24 Хәбәр Верир, Серҝеј Лавров бу ҝүн Мөвлуд Чавушоғлу илә бирҝә мәтбуат конфрансында сонра билдириб ки, Русија вә Түркијә Гәрби Асија вә Шимали Африкадакы һазыркы вәзијјәтлә бағлы мәсләһәтләшмәләр апарыблар. Лавров бу бирҝә мәтбуат конфрансында һәмчинин АБШ-ын Түркијәјә гаршы санксијаларыны писләјиб. Москва илә Анкаранын өз һәрби әмәкдашлыгларыны давам етдирәҹәкләрини билдирән Лавров вурғулајыб ки, һәр ики өлкә техники әмәкдашлығын инкишафы үзрә мүштәрәк һәдәфә тәкид едир. Москва вә Анкара декабрын бириндә бирҝә Дағлыг Гарабағ Мәркәзи барәдәки данышыглары баша вурдулар. Онлар реҝиондакы бүтүн дүшмәнчиликләрә сон гојулмасы вә атәшә нәзарәт үчүн Русија-Түркијә мүштәрәк мәркәзинин јерләшдирилмәси вә истифадәјә верилмәси тәрзи һагда бир мүгавилә имзаладылар. Мүгавиләнин имзаланмасындан бир ҝүн сонра Түркијә Мүдафиә Назирлији елан етди ки, Түркијә вә Русија ордулары тезликлә бирҝә мәркәздә өз вәзифәләринә башлајаҹаглар.
342/
