АБНА24 Хәбәр Верир, Иранын сәһијјә назири Сәид Нәмәки дејиб: "Иранын ән бөјүк гүввәт нөгтәси, дахили ҝүҹә вә имканлара сөјкәнмәсидир". Сәид Нәмәки сәһијјә назирлијинин доггуз тәдгигат вә технолоҝија лајиһәсинин ачылышы мәрасиминдә Американын коронавирус пандемијасы илә бир заманда Ирана гаршы залымҹасына санксијалар тәтбиг етмәсинә ишарә илә сөјләјиб: Америкалылар дедикләри «дәрман санксија едилмәјиб» ифадәсинин әксинә һәрәкәт едәрәк, дүнјаны алдадыблар. Нәмәки билдириб ки, өлкәнин јеҝанә инкишаф јолу, тәдгигата диггәт јетирмәкдир. О, сонра белә гејд едиб: Коронавирусун башландығы заман Иран маска вә дезинфексијаедиҹи маддәләр ҹәһәтдән бөјүк чатышмазлыгла үзләширди, амма әлли ҝүндән аз бир мүддәтдә Ирандакы стартап ширкәтләр нәинки бу мәһсуллары истеһсал, һәм дә ихраҹат гүдрәти дә әлдә етдиләр. Иран Ислам Республикасы АБШ, Чин вә Һиндистандан сонра ремдесивир дәрманы истеһсал едән дөрдүнҹү өлкәдир.
342/
