АБНА24 Хәбәр Верир, Исраил режиминин телевизијасы бу ҝүн (28 нојабр) Тәл-Әвивин сәфирликләриндә һазырлыг сәвијјәсини јүксәлтдији барәдә хәбәр вериб. "Әрәб 48" хәбәр сајтынын вердији мәлумата ҝөрә, Исраил режиминин телевизијасынын 12-ҹи каналынын һәрби мүхбири Тәл-Әвивин дүнән јәһуди топлантылары илә јанашы, бүтүн сәфирликләриндә һазырлыг сәвијјәсини артырдығыны билдириб. Бу просес дүнән (27 декабр) Иран Ислам Республикасынын ҝөркәмли нүвә вә мүдафиә алими Мөһсүн Фәхризадәнин Теһран әјаләтинин шималындакы Дәмавәнд шәһәринин Абсард бөлҝәсиндәки террор актында шәһид олмасындан сонра баш верир. Американын "Нју-Јорк Тајмс" гәзети дүнән ахшам үч кәшфијјат сәлаһијјәтлисинә истинад едәрәк шәһид Мөһсүн Фәхризадәјә һүҹумун архасында сионист режимин дајандығыны билдирмишди. Өлкәмизин хариҹи ишләр назири Мәһәммәд Ҹавад Зәриф дә дүнән ахшам бир Тwиттер месажында шәһид Фәхризадәнин террор едилмәсиндә Исраил режиминин ролунун әламәтләринин олдуғуну јазмышды.
342/
