АБНА24 Хәбәр Верир, Әбдуләзиз бин Һәбтур бу өлкәнин ракет бөлмәсинин Әрәбистанын «Арамко» нефт тәсисатларыны һәдәфә алмаг үзрә өзүнәмәхсус әмәлијјатыны јүксәк дәјәрләндириб вә Јәмәнә һүҹум едән өлкәләрдәки бүтүн һәдәфләрин гануни олдуғуну вурғулајыб. Бин Һәбтур билдириб ки, сәуд коалисијасына дахил олан өлкәләр әҝәр сүлһ истәјирләрсә, онда Јәмәндә савашын вә бу өлкәнин мүһасирәсинин давам етмәсиндән әл чәкмәлидирләр. О, сонра дејиб: Јәмән халгынын мүгавимәти бәзи әрәб өлкәләринин сионист режимлә тәһгирамиз әлагәләринин адиләшдирилмәси јолунда бир манеәдир. Јәмән силаһлы гүввәләринин ракет бөлмәси дүнән сәһәр тездән «Гүдс-2» типли бир әдәд ганадлы ракетлә Әрәбистанын Ҹиддә шәһәриндә јерләшән «Арамко» нефт ширкәтинин пајлама стансијасыны һәдәфә алды. Әрәбистан АБШ-ын, әмирликләрин вә бир нечә диҝәр өлкәнин дәстәјилә 2015-ҹи илин мартындан Јәмәнә һәрби һүҹум едәрәк, бу өлкәни һава, гуру вә дәниздән мүһасирә едибдир.
342/
