АБНА24 Хәбәр Верир, Иранын мүдафиә вә силаһлы гүввәләрә дәстәк назири ҝенерал-мајор Әмир Һатәми Бәсиҹ һәфтәсинә һәср едилмиш видео конфранс форматында кечирилән мәрасимдә, Иранын мүдафиә саһәсиндә ән сәрт вә дүшмәнҹәсинә санксијаларла үзләшдијини бәјан едәрәк, дејиб: "Һәмин дөврдә ән еффектив вә сәмәрәли мүдафиә тәҹһизатларыны лајиһәләндириб, истеһсал етдик вә јахын ҝәләҹәкдә функсија, тәҹһизат вә имканлар бахымындан ејни нәслдән олан есминесләрдән фәргли вә тамамилә Иран конструксијасы олан "Дена" адлы есминес Иран Ислам Республикасы Ордусунун дәниз донанмасына тәһвил вериләҹәк". Иранын мүдафиә вә силаһлы гүввәләрә дәстәк назири "Бәсиҹ Һәфтәси"ни тәбрик едәрәк, дејиб: "Имам Хөмејни (р.ә) Бәсиҹе Мүстәзәфин Тәшкилатынын јарадылмасына фәрман вермәклә америкалылар гаршысында бөјүк бир ҝүҹ нүмајиши тәртиб етди вә практики олараг, Америка тәһдидләрини фүрсәтә чевирдиләр, беләликлә дә бөјүк шејтан Америка Иран Ислам Республикасынын јумшаг ҝүҹүнү дәрк етди". Ҝенерал-мајор Бәсиҹин бүтүн саһәләрдә ҝениш ролуна тохунараг, дејиб: "Ислам Ингилабынын мөһтәшәм гәләбәсиндән 4 декада кечәндән сонра, Бәсиҹин пак фиданы ҝөвдәли бир ағаҹа чеврилиб".
342/
