АБНА24 Хәбәр Верир, Иран Хариҹи Ишләр Назирлијинин мәтбуат катиби Сәид Хәтибзадә, Исраил мәнбәләри тәрәфиндән вә Неw Јорк Тимес гәзетинин сон һесабатинда, Иранда бир Әл-Гаидә рәсмисинә суи-гәсд иддиасы барәдә јајымланан хәбәрләрлә бағлы журналистләрин суалларынын ҹавабинда, бу груп үзвләринин Ирандакы варлығыны гәтијјәтлә рәдд едәрәк, Америка медиаларына мәсләһәт вериб ки, АБШ рәсмиләри вә Сионист режимин Һоллјwоод ссенариләринин тәләсинә дүшмәсинләр. Хатибзадә Әл-Гаидә террор груплашмасынын АБШ-ын вә бөлҝәдәки мүттәфигләринин сәһв сијасәти олдуғуну хатырладараг вурғулајыб: Вашингтон вә Тел-Әвив заман-заман бу груплашманын вә бөлҝәдәки диҝәр террор групларынын ҹинајәткар фәалијјәтләринин мәсулијјәтиндән јајынмаг үчүн јалан данышмаг вә медиаја јалан мәлуматлар сыздырмагла Ираны бу ҹүр груплара әлагәли ҝөстәрмәјә чалышырлар. Хатибзадә әлавә едиб: Шүбһәсиз ки, бу ҹүр иттиһамлар Иран халгына гаршы һәртәрәфли игтисади, кәшфијјат вә психоложи мүһарибә контекстиндә сәсләндирилир.
342/
