АБНА24 Хәбәр Верир, Азәрбајҹан Республикасы Президентинин көмәкчиси - Президент Администрасијасынын Хариҹи сијасәт мәсәләләри шөбәсинин мүдири ачыгламасында билдириб: "Ермәнистан бејнәлхалг һуманитар һүгугу, о ҹүмләдән 1949-ҹу ил Ҹеневрә Конвенсијаларыны кобуд шәкилдә позуб вә мүһарибә ҹинајәтләри төрәдиб". Азәрбајҹан Республикасы Президентин көмәкчиси гејд едиб ки, АТӘТ-ин 2005 вә 2010-ҹу илләрдә ишғал олунмуш әразиләримизә ҝөндәрилмиш факт арашдырыҹы миссијалары да Ермәнистан тәрәфиндән һәјата кечирилән гејри-гануни мәскунлашдырма сијасәтини тәсдигләјиб: "Миссијанын һазырладығы һесабатда гејд олунуб ки, ишғал олунмуш әразиләрдә гејри-гануни мәскунлашдырманын апарылмасы мүнагишәнин һәллинә зијан вурур вә онун гаршысы алынмалыдыр. Бу илин сентјабр ајында Шуша шәһәринә Ливандан олан ермәни әсилли аиләнин јерләшдирилмәси ермәни күтләви информасија васитәләри вә сосиал шәбәкәләр васитәсилә әтрафлы шәкилдә ишыгландырылмышдыр. Бу ҝүнләрдә “ББҸ”-нин рус бөлмәси тәрәфиндән ишғал олунмуш әразиләримизә ганунсуз көчүрүлмүш 300 нәфәр Ливан ермәнисинин јашадығы гәсәбә һаггында репортаж һазырланмышдыр"- дејә Һикмәт Һаҹыјев билдириб.
342/
