Әһли Бејт - АБНА – Хәбәр Аҝентлијинин вердији хәбәрә әсасән, 2015 26 Нојабр Ганлы Нардаран һадисәи илә бағлы мәһкәмә проссесинијахындан изләјән Ҹәмил Һәсәнли баш верән олај вә кечирилән гондарма мәһкәмә проссеси вә ДИН-ин бир баша И. Әлијев тәрәфиндән алдығы ҝөстәришләрә ујғун олараг диҹ сакинләрәр гаршы төрәтдији ҹинајәтләр һагда белә јазыр:
“Нардаран иши” илә бағлы мәһкәмә просеси шок һадисәләрлә ҹәмијјәти һејрәтләндирир. Халг арасында “Бандотдел” кими танынан идарәнин әмәкдашларынын төрәтдији гәддарлыг, инсан өлүмү илә мүшајиәт едилән әмәлләринин һәр дәфә јени тәфәррүатлары ашкарланыр. “Бандотделин” әмәлијјат мүвәккили Шаһлар Ҹәфәров зәрәрчәкмиш вә шаһид гисминдә диндириләркән һәјәҹанлы анлар јашаныр.
Доғрусу, сон илләрдә Азәрбајҹан ҹәмијјәти ДИН-ин ичәрисиндә бәсләнән Һаҹы Мәммәдовун инсан оғурлуғу вә гәтлләри илә бағлы ҹинајәт детективин шаһиди олуб. Кечмиш МТН-дә Акиф Човдаровун ишҝәнҹә империјасы, Һилал Әсәдовун ипәк сапла мүхалифәтә гаршы тохудуғу һијлә тору өлкәнин тәһлүкәсизлијинә ҹавабдеһ олан бир дөвләт органынын маһијјәтини ортаја гојду. “Нардаран иши” исә һаггында әфсанәләр доланан “Бандотделин” ишҝәнҹә, зүлм, өзбашыналыг, гануна зидд әмәлләрини ортаја гојур, ДИН-ин дахилиндә јени бир ганунсуз әмәлләрин мөвҹудлуғуну нүмајиш етдирир.
Шаһлар Ҹәфәров мәһкәмә залына ҝирән кими санки өзү илә бәрабәр Нардаран мәһбуслары үзәриндә төрәтдији ишҝәнҹә вә инсан әзабларыны да зала ҝәтирди. Ону ҝөрән тәгсирләндирилән шәхсләр “бандотдел”дә онлара дәһшәтли ишҝәнҹә верәнләрдән биринин мәһз ҹијинләриндә мүстәгил дөвләтин рүтбәсини дашыјан Шаһлар Ҹәфәров олдуғуну билдирибләр. Тәгсирләндирилән шәхсләр елә залдаҹа онун үзүнә дедиләр ки, “Бу, ҹәлладдыр, азәрбајҹанлы дејил. Бу елә һәрәкәтләр еләјиб ки, нормал азәрбајҹанлы онлары еләмәз… Бизи апардыглары мебел машынында бу, хүсусилә фәаллыг едирди, ҹанфәшанлыг едирди. Ән чох гансызлыг, јыртыҹылыг едәнләрдән бири будур. Фәраһимин (мебел машынында дөјүләрәк өлдүрүлмүш Фәраһим Бүнјадов нәзәрдә тутулур) голларыны архадан бағламаг истәјирдиләр. Башына автоматын гундағы илә о гәдәр вурдулар ки, ахырда “Аллаһу Әкбәр” дејә-дејә ҹан верди ҝөзүмүзүн габағында”.
Бу сөзләр фашизмин әмәлләрини, ишҝәнҹә техналоҝијаларыны ифша едән Нјуринберг мәһкәмәсиндә дејил, ХХЫ әсрдә Бакы Бакы Ағыр Ҹинајәтләр Мәһкәмәсиндә “Нардаран иши” үзрә кечирилән мәһкәмә иҹласында ДЫН-ин Баш Мүтәшәккил Ҹинајәткарлыгла Мүбаризә Идарәсинин мәсул әмәкдашы, “шаһид вә зәрәрчәкән” Шаһлар Ҹәфәров ифадә верәркән сәсләндирилиб. Азаҹыг нормал мәһкәмә системи олан өлкәдә, азаҹыг һүгуга һөрмәт едилән өлкәдә бу адамлар инсан өлүмү илә нәтиҹәләнән ағыр ҹинајәт әмәлләринә ҝөрә елә мәһкәмә залындаҹа һәбс олунмалыдыр.
20-јә јахын Азәрбајҹан вәтәндашы шәһадәтлик едир ки, сап-сағлам Фәраһим Бүнјадову Шаһлар Ҹәфәров башда олмагла “Бандотделин” ишчиләр мебел машынында автоматын гундағы илә дөјә-дөјә өлдүрүбләр, ҝуја мүгавимәт ҝөстәрилдији һаггында тәсәввүрләр јаратмаг үчүн һеч бир силаһы, сурсаты олмајан даһа 3 динҹ сакини ҝүлләләјибләр, гаршылыглы атышма олдуғу ҝөрүнтүсү наминә һадисә јериндәки “атышмада” ики пагон јолдашларыны намәрдҹәсинә ҝүлләләјиб ҝүнаһы да һадисә заманы гәтлә јетрилмиш адамларын адына рәсмиләшдирибләр. Мәһкәмәдә вәкилләр бу адамларын һансы зәрәри чәкдикләрини, нәдән зәрәрчәкән олдугларыны сорушдугда утаныб-гызармадан әмәлијјат заманы ики әмәкдашымыз өлүб, ики пагон јолдашымыз һәјатыны итириб дејирләр.
Нардаранда төрәтдикләри гануназидд әмәлләрин адыны дини террорчу дәстәнин зәрәрсизләшдирилмәси гојуб өтүшдүрәҹәкләринә әмин идиләр. Һәтта о гәдәр әмин идиләр ки, истинтаг заманы “Бандотделин шаһид вә зәрәрдидәләри” мүгәссирләрин адлары вә сојадлары истисна олмагла нөгтә верҝүлүнә гәдәр бир-бирини олдуғу кими тәкрарлајан ејни ифадәләр верибләр. Тәкҹә “иттиһам едиләнләри” бөлүбләр араларында ки, ким кимин ҹибиндән гумбара чыхарыб, ким кимин әлиндән быҹаг вә хәнҹәр алыб. Вәкилләр пешәкарлыгла истинтагын ҝедишиндә јол верилмиш бу сахтакарлыглары мәһкәмә арашдырмасы заманы ортаја чыхардылар. Истинтаг заманы нәдән ифадәләрин нөгтә-верҝүлүнә гәдәр ејни олмасы һаггында онларын суаллары “Бандотделин зәрәрдидә коллективини” ҝүлүнҹ дурума салды.
Бу шоуну гуранлар бир вахтлар ДИН-ин ичиндә олан Һаҹы Мәммәдовун ҹинајәт батаглығындан чыхдыглары кими ајдан-ары, судан-дуру чыхмаг нијјәтиндә идиләр. Амма белә олмады. Мәсәлә иҹтимаиләшди, ҹинајәтин хроникасы фаш олду. Һаҹы Мәммәдовун, Акиф Човдаровун бандасындан даһа гәддар, даһа ганичән, инсанлыг адына ләкә ҝәтирән даһа ағыр ишҝәнҹә дәстәсинин ортада олдуғу ајдынлашды. “Бандотделин” симасында ДИН-ин инсан өлүмү илә нәтиҹәләнмиш ганунсуз әмәли ҝөз габағындадыр. Мәһкәмәнин ҝедишини изләјән хариҹи сәфирликләрин, бејнәлхалг тәшкилатларын нүмајәндәләри ДИН-ин өз вәтәндашына неҹә гәддар ишҝәнҹә вермәсини, бу ағласығмаз ишҝәнҹәләр һесабына сүни “террорчу дәстә” гурашдырмасыны, дәјәнәк ҝүҹүнә ҹинајәтинин изинин итирилмәсини, тәсәввүрәҝәлмәз ишҝәнҹәләр һесабына ҝүнаһсыз инсанлар әлејһинә ифадәләр тәләб едилмәсини, адамларын садәлөвһлүјүндән истифадә едиб әзаб вә һијлә јолу илә онлара олмајан силаһларынын “етираф” етдирилмәсини өз ҝөзләри илә ҝөрдүләр, биринҹи мәнбәдән өз гулаглары илә ешитдиләр. Өлкә вә дүнја иҹтимајәти баш верән ҹинајәт хроникасындан хәбәр тутду.
Нардаранын тимсалында Азәрбајҹан адлы мәмләкәтдә һансы фаҹиәләр јашандығындан, дөвләт адына һансы рәзаләтләрин төрәдилдијиндән сәксәкәјә дүшдү. Инди мәһкәмәнин һансы һөкм чыхараҹағынын елә бир әһәмијјәти галмајыб. Просесин бундан сонракы мәрһәләсинин дә елә бир һүгуги анламы јохдур. Тәкҹә бу фактлар Нардаран заваллыларынын сијаси мәһбус һесаб едилмәси үчүн кифајәтдир.
Ҹинајәтин бүтүн мәнзәрәси ортада олдуғу һалда, бәзи һүгуг мүдафиәчиләринин ҝөзләмә мөвгеји тутмасы, просесин сонуну ҝөзләмәси садәҹә олараг анлашылан дејил.
“Нардаран иши” Һаҹы Мәммәдов вә МТН ҹинајәтләриндән сонра ДИН дахилиндә јени бир мүтәшәккил ҹәза дәстәсинин дөвләт адындан фәалијјәт ҝөстәрмәсини бүтүн чылпаглығы илә ортаја гојуб. Икиси полис олмагла, алты нәфәр Азәрбајҹан вәтәндашы ДИН тәрәфиндән һәјата кечирилмиш бу авантүранын гурбаны олуб. Амма һәлә ки, “Бандотдел зәрәрдидәләри” мәһкәмә просесиндә чох өткәм вә архајын ҝөрүнүрләр. Лакин өлкәдә һазырки сосиал-игтисади вә сијаси шәртләр белә өткәм архајынчылыг үчүн әсас вермир.
Диггәт: Хәбәрдән истифадә етдикдә мәнбәјә истинад лазымдыр
