Әһли Бејт - АБНА – Хәбәр Аҝентлијинин вердији хәбәрә әсасән, Өтән һәфтә сону Чиндә кечирилән Ҝ-20 саммити заманы Русија президенти Владимир Путинлә Түркијә президенти Рәҹәб Тајјиб Әрдоған арасында кечирилмиш ҝөрүшүн бәзи деталлары мәлум олуб.
Әрдоғанын Әсәдлә Москвада ҝөрүшә биләҹәјинә даир хәбәри һәлә өтән һәфтә Ливан мәнбәләри јајыб. Хәбәрә әсасән Русија тәрәфинин тәшкил едәҹәји бу ҝөрүш 18-22 сентјабр аралығында баш тута биләр. Һәләлик рәсми Анкара бу хәбәри тәкзиб етмәјиб.
Билдирилир ки, Түркијә илә Русија арасында мүнасибәтләр нормаллашса да Сурија мәсәләсиндә ҹидди ихтилаф галмагдадыр. Бу, әсасән Бәшәр Әсәдә мүнасибәт мәсәләсидир. Бундан әввәл Анкара Сурија мәсәләсиндә мөвгејини дәјишиб вә Әсәдин кечид һөкумәти формалашана гәдәр һакимијјәтдә гала биләҹәјини ифадә едиб. Нәтиҹәдә Түркијә өз мөвгејини 180 дәрәҹә дәјишдириб. Лакин Әсәдлә бирбаша тәмас мәсәләсиндә Анкаранын тәрәддүдләри галыр. Хәбәрә ҝөрә Путин бу мәсәләни һәлл етмәк үчүн Әрдоғана Әсәдлә Москвада ҝөрүшмәји тәклиф едиб. “Бу ҝөрүш үчүн тарих дә мүәјјән едилиб, сентјабрын 18-и, 22-и арасы. Һәләлик Түркијә тәрәфи тәклифә мүнасибәт билдирмәјиб, ејни заманда гәти шәкилдә “јох” да демәјиб”-мәнбә билдириб.
Русија тәрәфи исә Москвада Әсәд-Әрдоған ҝөрүшүнүн мүмкүнлүјү һагда хәбәрләри тәсдиг етмир. Путинин мәтбуат катиби Дмитри Песков билдириб ки, бу һагда дејиләнләр “шаијә”дир.
Диггәт: Хәбәрдән истифадә етдикдә мәнбәјә истинад лазымдыр
