Әһли Бејт - АБНА – Хәбәр Аҝентлијинин вердији хәбәрә әсасән, ганунсуз ҹүһүд режиминдә азјашлы ушаглара террор тәлимләринин верилмәси илә бағлы ағласығмаз фактлар ортаја чыхыб.
Белә ки, ишғалчы режимин Лиһава груплашмасынын дүнјанын мүхтәлиф өлкәләриндән радикал јәһуди ушагларыны топлајараг фәләстинлиләри өлдүрмәк, араларына хоф салмаг үчүн тәлим вермәси факты ифша едилиб.
Бу барәдә хәбәр верән Исраилин Једиот Аһранот гәзети бу груплашманын тәгрибән бир илдән артыгдыр ки, 14 јашына гәдәр ушаглара террор тәлимләри вердијини билдирир.
Террор груплашмасынын ишғал алтындакы Фәләстин әразиләриндә, Гәрб Саһилинин Хәлил дағында тикдији ҝизли һәрби һиссәдә "Тәпә Ҝәнҹләри" ады алтында гурдуглары террор груплашмаларынын арасында бу ушалгары Гәрб Саһилиндә вә Гүдсдә фәләстинлиләрә неҹә һүҹум етмәләринә даир тәлимләр кечирилир.
Исраил гәзети бу һәрби һиссәнин сионист режимдә икинҹи белә тәлим мәркәзи олдуғуну билдирәрәк јазыр: "Радикал аиләләрдән ҝәлән ушаглар бу ҹүр тәлимә бу ил даһа чох мараг ҝөстәрир".
Хәбәрдә террор груплашмасынын сионист режими тәрәфиндән дә дәстәкләндијинә хүсуси диггәт чәкилир.
Диггәт: Хәбәрдән истифадә етдикдә мәнбәјә истинад лазымдыр
