Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ИШИД әмирләриндән олан Әбубәтар әл-Мисринин Кобанидә әсир дүшмүш мүавини Јасир Әбдул-әзиз сенсасијалы ачыгламар вериб.
Белә ки, Түркијәдән һәрби вә ложистик дәстәк алдыгларыны етираф едән Әбдул-әзиз дејиб: "Јаралыларымыз һазырда Түркијәдә мүалиҹә алыр.”
О, даһа сонра Сурија халгына гаршы апарылан амансыз террор әмәлијјатларында бирбаша Түркијә һәрбичиләринин дә гошулдуғуну дејәрәк билдириб: “Биз 12 нәфәрлик 6 групдан ибарәт идик. Әмәлијјат заманы Түркијәдән кичик бир груп да мүхтәлиф силаһларла бизә гошулду. Әмәлијјат истәдијимиз кими реаллашмады вә әлејһимизә бәзи һүҹумлар олунду. Бундан сонра шәһәрә ахышдыг вә гаршымыза чыхан һәр кәси өлдүрмәјә башладыг. Бизә олунан дәстәкләрин әксәри Сәудијјә Әрәбистаны вә Түркијәдән иди. Ҝејимлә бағлы олан јардымлар Сәудијјәдән, ҝүндәлик диҝәр еһтијаҹларымыз исә Түркјәдән ҝәлирди. Биз бунун мүгабилиндә Түркијәјә нефт саатырдыг."
Гејд едәк ки, Болгарыстан тәрәфи Түркијәјә нефт сатышыны ҹидди олараг арашдырдығыны билдириб. Бу барәдә өлкә рәсмиси Свитер Сасаров дејиб: "Биз мәлуматлара вә пејк васитәси илә әлдә етдијимиз хәбәрләрә истинадән ИШИД тәрәфиндән нефтин Түркијәјә өтүрүлмәсиндән хәбәрдарыг. Бу нефт уҹуз гијмәтә Авропаја сатылмагдадыр."
Диггәт: Хәбәрдән истифадә етдикдә мәнбәјә истинад лазымдыр
