Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һөҹҹәтүл Ислам вәл Мүслимин Сејид Әли Газы Әсҝәр Мина фаҹиәсиндә һәјатыны итирәнләрә "Мина Шәһидләри" статусунун верилмәси илә бағлы Һәҹҹ вә Зијарәт Тәшкилаты вә Шәһид Фонду илә анлашма сәнәдинин имзаланмасы мәрасиминдә дејиб: Мина фаҹиәсинин һүгуги мүстәвидә арашдырылмасы мәсәләси мүхтәлиф грумлар тәрәфиндән изләнилән мүһүм мөвзулардан биридир.
Вәли Фәгиһин һәҹҹ вә зијарәт мәсәләләри үзрә нүмајәндәси һәмчинин дејиб: Мина фаҹиәсинин сәнәдләшдирилмәси үчүн индијә кими бу һадисә баш верән заманы орада олан вә һадисәнин шаһиди олан инсанлар илә 1000 мүсаһибә гејдә алыныб.
Һөҹҹәтүл Ислам вәл Мүслимин Газы Әсҝәр әлавә едиб: "Мина Шәһидләри" адынын сечилмәсинин сәбәби, бу шәһидләрин дә Ингилаб шәһидләри, нүвә шәһидләри вә һәрәм мүдафиәчиләри шәһидләри кими диҝәр шәһидләрдән фәргләндирилмәсидир.
Шәһид Фонду, Һәҹҹ вә Зијарәт Тәшкилаты вә Ислам Ингилабынын Бөјүк Рәһбәринин офиси арасында имзаланан анлашма сәнәдинә әсасән, Мина фаҹиәсиндә һәјатыны итирәнләрә "Мина Шәһидләри" ады верилиб.
24 сентјабр 2015-ҹи ил тарихиндә, Гурбан бајрамы ҝүнүндә Минада баш вермиш фаҹиәдә 464-ү иранлы олмагла минләрлә Аллаһ еви зәввары һәјатыны итирмишди.
Диггәт: Хәбәрдән истифадә етдикдә мәнбәјә истинад лазымдыр
