Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Deutsche Welle телевизијасында јајымланан "Conflict Zona" програмында диктор Тим Себастианын суалларыны ҹавабландыран Ираг баш назири Һејдәр әл Ибади Мосулун азад едилмәси әмәлијјатларына һазыр олдугларыны билдириб.
Һејдәр әл Ибади Ирагын Нејнәва вилајәтиндә јерләшән Мосул шәһәринин ИШИД-ин ишғалындан азад едилмәси үчүн кечириләҹәк әмәлијјатын ҝәлән ај баш верә биләҹәјини ифадә едиб.
Ирагын ИШИД гошунлары гаршысында дағылан һәрби гүввәсинин бәрпа олма просесинә ҝирдијини дејән Ибади, ордунун һазырда кечмишә нисбәтән чох даһа јахшы вәзијјәтдә олдуғуну вурғулајыб.
Ираг баш назири орду мәнсубларынын јенидән өзүнә инам һисси әлдә етдикләрини сөзләринә әлавә едиб. Ибади мәһз бу инам һисси сајәсиндә ИШИД-и ҝери чәкилмәјә мәҹбур едәрәк, бир чох бөлҝә јенидән Ирагын нәзарәтинә кечдији ифадә олунуб.
Гејд едәк ки, тәхминән бир милјон ираглынын јашадығы Мосул шәһәри 2014-ҹи илин мај ајындан етибарән ИШИД-ин ишғалы алтындадыр.
Диггәт: Хәбәрдән истифадә етдикдә мәнбәјә истинад лазымдыр
