Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ҹәлилабад рајон сакинләри етираз аксијасы кечирибләр.
Сакинләр рајон мәркәзиндә јерләшән Әмәк вә Әһалинин Сосиал Мүдафиәси Назирлијинин Ҹәлилабад шөбәсинин гаршысына топлашыб. Онлар ишсизлијә, баһалыға вә сосиал јардымларын верилмәсиндә баш верән рүшвәтхорлуға етираз едибләр. Һадисә јеринә ҝәлән рајон иҹра башчысы Әзиз Әзизовун аксијачылары сакитләшдирмәјә чалышыб. Әзиз Әзизов сакинләрин мәдәнијјәт евинә топлашараг , онлары орада динләјәҹәјини вәд вериб.
Мүсаватын Мәҹлис үзвү Әлипәнаһ Рзалынын дедијинә ҝөрә, етиразчыларын әсас шикајәти гијмәт артымы, ишсизлик, үнванлы сосиал јардымын дүзҝүн верилмәмәси вә банк борҹлары илә бағлыдыр: «Данышыг ҝедир. Әһалинин дағылышмасыны тәләб едирләр»
Иҹра башчысы мәдәнијјәт евиндә наразы әһали илә ҝөрүшүб. Әмәк вә Әһалинин Сосиал Мүдафиәси Назирлијинин Ҹәлилабад шөбәсинә инсанларын тәгдим етдикләри мүраҹиәтләр ҝәтирилиб вә иҹра башчысына тәгдим олунуб.
Иҹра башчысы сөз вериб ки, бүтүн шикајәтләр 1 һәфтә әрзиндә тәмин едиләҹәк. Ҝөрүш баша чатыб. Инсанлар евләринә дағылышыр. Һеч бир инсидент баш вермәјиб.
Даһа сонра Иҹра башчысы шикајәтчыләрин бир гисмини иҹра һакимијјәтинә дәвәт едиб. Орада чыхыш едәрәк сосиал мүавинәтләрлә бағлы бүтүн шикајәтләрә бахылаҹағыны дејиб. Әзиз Әзизов өз чыхышында мүхалифәтин үнванына атмаҹалар атыб вә әһалини мүхалифәтә гулаг асмамаға чағырыб.
Гејд едәк ки, ики ҝүн әввәл Мүсаватын Ҹәлилабадд тәшкилатынын тәмсилчиләри Һидајәт Исмајылов вә Әлипәнаһ Рзалы полисә чағырылмыш, онлара күтләви тәдбирләрин јолверилмәз олдуғу барәдә ганунсуз хәбардарлыг елан едилмишди.
Диггәт: Хәбәрдән истифадә етдикдә мәнбәјә истинад лазымдыр
