Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист исраил режиминин бир баша сифариши әсасында Азәрбајҹан Республикасы Шиәләринә ган утдуран Илһам вә тәрәфдашлары, дүнја мәзлумларынын Гибләҝаһы Иран Ислам Республикасынын ҝөзләнилән кәскин реаксијасына мәруз галды.
Ганлы 26 Нојабр, 2015 тарихиндән сонра Илһамын бир баша нәзарәти алтында Нардаран башда олмагла Бакы, Ҝәнҹә, Сумгајыт, Сәлјан Ләнкәран вә с. бөлҝәләрдә төрәтдији ҹинајәтләр Тәбриз сакинләри тәрәфиндән кәскин мәһкум едилиб.
Белә ки, Тәбризин јүзләрлә ингилабчы әһалиси Азәрбајҹан дөвләтинин руһани вә исламчыларына гаршы давамлы тәзјигләри вә зүлмүнү, хүсусилә дә хүсуси полис алајы вә тәһлүкәсизлик гүввәләринин Нардаран гәсәбәсинин шиәләринә вәһшиҹәсинә һүҹум едәрәк нечә нәфәри шәһид вә бир нечә нәфәри јараламасына етираз олараг Азәрбајҹанын Тәбриздәки консуллуғу гаршысында аксија кечирдиләр.
Аксија иштиракчылары үзәринә "Шиәләри өлдүрмәк әвәзинә Гарабағы азад един", "Ингилабчылар ја мејданда олаҹаг, ја да зинданда" вә с. шүарлар јазылмыш плакатлар ҝөтүрәрәк ҝүнүн илк саатларындан Азәрбајҹан Республикасынын Тәбриздәки консуллуғу өнүнә топлашдылар вә Азәрбајҹан дөвләтиндән руһаниләрә, сијаси мәһбуслара азадлыг вермәсини, исламчылара гаршы репрессија сијасәтинә сон гојмасыны тәләб етдиләр.
Иштиракчылар "Америкаја өлүм", "Исраилә өлүм", "Ләббејкә ја Һүсејн", "Азәрбајҹани ҹанбаз Хаменејидән ајрылмаз", "Јел јатар туфан јатар, јатмаз Һүсејнин пәрчәми", "Ајаг ачыб јәһуд Азәрбајҹанда, ат ојнадыр вәһаби, шиәси зинданда", "Һүсејн, Һүсејн шүарымыз, шәһадәт ифтихарымыз", "Азәрбајҹан ојагды, Нардарана дајагды" шүарлары верәрәк, Азәрбајҹан дөвләтини Ислам дәјәрләрини мәһв етдијинә, өлкәнин әһалисинин 85 фаиздән чохуну тәшкил едән шиәләрә гаршы репрессија јаратдығына ҝөрә тәнгид етдиләр.
Аксијада иштирак едәнләр тәләб етдиләр ки, Азәрбајҹан һөкумәти исламофибија вә дүшмәнчилик һәрәкәтинә сон гојсун, сионист режиминин һијләси илә һәбс едилмиш ҝүнаһсыз мәһбуслары азад етсин, гондарама вә нәһс сионист режимлә әмәкдашлыг етмәк әвәзинә Гарабағы азад етмәк фикриндә олсун.
Аксија, зөһр вә әср намазларындан сонра әзәмәтли әзадарлыг мәрасиминин кечирилмәси вә бәјанат верилмәси илә сона јетди.
Диггәт: Хәбәрдән истифадә етдикдә мәнбәјә истинад лазымдыр
