Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ-ын Сан-Бернардино шәһәриндә (Калифорнија штаты) мәһдуд физики имканлы инсанлар үчүн мүәссисәдә силаһлы инсидент баш вериб.
Калифорнија штатынын полис нүмајәндәси Ҹеррод Бургуанын сөзләринә ҝөрә, һүҹумда шүбһәли билинән ики нәфәр (1 киши вә 1 гадын) полислә атышма заманы өлдүрүлүб: “Онлар автомат силаһ вә тапанчаларла силаһланыб, камуфлјаж ҝејиминдә идиләр. Даһа бир шәхс һадисә јериндән гачмаг истәјәркән јахаланыб. Һадисәни төрәдәнләрдән биринин шәхсијјәти артыг мүәјјәнләшдирилиб. Сон мәлуматлара әсасән, инсидент нәтиҹәсиндә 14 нәфәр өлүб, 17 нәфәр јараланыб”.
Һадисәнин террор акты олуб-олмамасы барәдә мәлумат верилмир.
Силаһлы инсидентин баш вердији мәркәздә мүхтәлиф категоријалардан олан әлилләрә, әгли вә физики гүсурлу инсанлара јардым ҝөстәрилир. Гејд олунур ки, инсидент баш верән ҝүн мәркәздә бајрам тәдбири кечирилирмиш.
Әмәлијјат заманы 1 полис әмәкдашы јараланыб. Онун һәјатына тәһлүкә јохдур.
Диггәт: Хәбәрдән истифадә етдикдә мәнбәјә истинад лазымдыр
