Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әһли Сүнә вәл Ҹәмаә тәригәтиндә ләват вә зинанын “ҹиһад” ады илә һалал едилмәси артыг кимсәјә гаранлыг дејилдир. Белә чиркинликләрә јол верилмәсинин сәбәби исә садәҹә Ислам вә Әһли Бејтдән узаг дүшмәкдир.
Бу ҝүнләрдә хариҹи информасија васитәләриндә јајымланан мәлуматларда Калифорнијадан олан үч ханым вәһһаби әгидәли Сәудијјә шаһзадәси Мәҹид Абдуләзиз әл-Сәуду сексуал тәҹавүздә иттиһам едибләр.
29 јашлы сәләфи шаһзадәсинә гаршы адлары ҝизлин сахланылан үч гадынын адындан вәкил иттиһам ирәли сүрүб.
Гадынлар иддиа едирләр ки, шаһзадә онлары бир мүддәт өз маликанәсиндә әсир сахлајыб, лүт ҝәзмәјә мәҹбур едиб вә онлара тәҹавүз едиб.
“Сән мәним хошума ҝәлирсән, сабаһ мәним евимдә гонаглыг олаҹаг вә сән мәним бүтүн истәдикләрими јеринә јетирәҹәксән, јохса сәни өлдүрәҹәм”, - шаһзадә зәрәрчәкәнләрдән биринә дејиб.
Икинҹи гурбан да Мәҹид Абдуләзиз әл-Сәудун она тәҹавүз етдијини етираф едиб, бунлара сон гојмаг хаһишинә исә агрессија илә ҹаваб вериб.
“Сән гадын дејилсән! Сән һеч кимсән! Мән шаһзадәјәм, мән истәдијим һәр шеји едәҹәм. Вә һеч ким мәнә һеч нә едә билмәз”, - вәһһаби шаһзадәси бәјан едиб.
Гадынлар ејвандан тулланараг маликанәдән гачмаг истәјибләр, амма хәсарәт алаҹагларындан горхублар. Онлар евдә бир нечә ҝүн кечирмәли олублар, бу мүддәт әрзиндә шаһзадә әјләнҹәләр тәшкил едир вә кокаиндән истифадә едиб.
“Әл-Сәуд сәрхош, агрессив иди вә даима гышгырырды. Онун ҝөзләри гәзәблә долу иди”,- мәһкәмә чыхарышында јазылыб.
Полисләр маликанәјә ҝәләндә шаһзадә: “Һеч бир хәбәр олмајаҹаг!” дејә гышгырыб.
Һал-һазырда Мәҹид Абдуләзиз әл-Сәуда гаршы сексуал тәҹавүз, биләрәкдән мәнәви зәрәр вә ганунсуз азадлыгдан мәһрум етмә үзрә иттиһам ирәли сүрүлүб.
Бундан әввәл шаһзадә сентјабрда сексуал зоракылыға ҹәһд үзрә сахланылыб, амма сонрадан заминә бурахылыб.
Диггәт: Хәбәрдән истифадә етдикдә мәнбәјә истинад лазымдыр
