Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы Хузестан әјаләтинин Бағ Мәлик шәһәринин Путәк Ҹалали кәндиндә ики тајфа арасында баш вермиш ганлы гаршыдурма заманы онларла адам өлүб вә јараланыб.
Мәлумата ҝөрә, өтән ҝүн ахшамчағы баш верән гаршыдурмада полис вә тәһлүкәсизлик гүввәләринин мүдахиләси илә сакитләшдирилиб.
Шаһидләрин билдирдијинә ҝөрә, бу кәнддәки ики тајфа арасындакы ихтилафлар әкин саһәләринә ҝөрә узун илләрдир ки, давам едир, лакин дүнәнки гаршыдурма итҝиләри вә јаралананларын сајына ҝөрә индијәдәк баш вермәјиб. Өтән ҝүнки гаршыдурмада тәрәфләр одлу силаһла бир-бирләринә атәш ачыблар вә онларла адам өлүб вә јараланыб.
Һәләлик өлән вә јаралананларын сајы һагда мәлумат верилмәјиб. Һазырда кәндин тәһлүкәсизлијини тәмин етмәк үчүн полис вә тәһлүкәсизлик гүввәләри орада кешик чәкир. Полис бир нечә нәфәри һәбс едиб.
Диггәт: Хәбәрдән истифадә етдикдә мәнбәјә истинад лазымдыр
