Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бөjүк Британиjанын ХИН рәһбәри өлкәсинин Иранда сәфирлиjинин ачылышы илә әлагәдар Теһрана jола дүшүб
Филип Хаммонд өлкәсинин Ирандакы 2011-ҹи илдән фәалиjjәтини даjандырмыш сәфирлиjинин ачылыш мәрасиминдә иштирак едәҹәк.
“Бизим мүнасибәтләр 2011-ҹи илдән бәри jахшылашыб. Президент Һәсән Руһанинин сечкиләрдә гәләбә газанмасы вә Иранын нүвә програмы илә бағлы мүһүм сазишин әлдә олунмасы бунун үчүн бөjүк зәмин jаратды. Мән даһа да ирәли ҝетмәк үчүн биздә потенсиал олдуғуна инанырам. Сәфирликләрин ачылмасы икитәрәфли мүнасибәтләрин jахшылашмасы истигамәтиндә атылан чох мүһүм бир аддымдыр”, деjә Филип Хаммонд геjд едиб.
Хаммондун сөзләринә ҝөрә, Лондон Иран вә “алтылыг” өлкәләри арасында әлдә олунмуш сазишин ики өлкә арасында һәм тиҹарәт дөвриjjәсинин, һәм дә игтисадиjjата jатырылаҹаг сәрмаjәләрин артырылмасы үчүн тәкан олмасына чалышыр.
Ики өлкә арасында мүнасибәтләр там нормаллашанадәк сәфирликләрин илк мәрһәләдә ишләр мүвәккили сәвиjjәсиндә фәалиjjәт ҝөстәрәҹәjи ҝөзләнилир.
Диггәт: Хәбәрдән истифадә етдикдә мәнбәjә истинад лазымдыр
