Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг халг гүввәләри вә һәрбчиләри бу ҝүн Сәлаһәддин вилаjәтинин шималында jерләшән Биҹи шәһәрини ИШИД террорчуларындан там шәкилдә азад едиб. Буну Әсаиб Әһли Һәгг халг групунун команданы Шеjх Геjс Хәзәли деjиб.
О деjиб ки, "Ләббеjк Ја Ираг" әмәлиjjатынын давамында Ираг һәрбчиләри вә халг гүввәләри бу ҝүн Сәлаһәддин вилаjәтинин шималында jерләшән Биҹи шәһирини ИШИД террор груплашмасындан там шәкилдә азад едиб вә Ирагын баjрағыны дөвләт биналары, о ҹүмләдән бу шәһәрин иҹра һакимиjjәтинин бинасынын үзәринә санҹыб.
Онун сөзләринә ҝөрә, бир нечә һәфтә дөjүшдән сонра бу стратежи бөлҝә ИШИД-чиләрдән тәмизләниб. "Һазырда Биҹи нефтаjырма заводунун азадлығы үчүн сәjләр давам едир."
Биҹи шәһәри Бағдадын 210 км шималында jерләшир вә Мосул, Әрбил, Кәркүклә һәмсәрһәддир. Бу шәһәрин азадлығы Мосул шәһәринин фәтһинә бөjүк көмәк һесаб олунур.
Диггәт: Хәбәрдән истифадә етдикдә мәнбәjә истинад лазымдыр
