Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа Хариҹи Кәшфиjjат Хидмәтинин һесабатына ҝөрә, АБШ-ын дөвләт катиби Ҹон Керриjә jүксәк сәвиjjәли ИШИД командири илә Франсада кечирдиjи ҝөрүш заманы суи-гәсд едилиб.
Бир снаjперинин һәдәфи олан Керринин jарасынын ағыр олдуғу һесабатда jер алыб.
Ҹон Керринин Франсада ҝөрүшдүjү командир исә Таҹикистанын кечмиш Хүсуси Гошунлар командири Мурад Һалимевдир. Һалимевин Америка тәрәфиндән jетишдирилдиjи вә малиjәләшдирилдиjи билдирилир.
Ҝәлән хәбәрләрә ҝөрә, Америка рәһбәрлиjи алтындакы беjнәлхалг коалисиjа ИШИД проблеми илә бағлы топлашдығы 2 иjундан әввәл Ҹон Керри Һалимевлә ҝөрүшүб, һәлл jолу тапмаг мәгсәдилә Франсада данышыглар апарыблар. Анҹаг һәр һансы бир һәлл jолу тапылмаjыб. Ҹон Керри исә бу ҝөрүшдә ачыг шәкилдә суи-гәсдә мәруз галыб.
Геjд едәк ки, мәлуматын нә дәрәҹәдә һәгигәти әкс етдирдиjи билинмир. Рәсми ачыгламада исә Керринин велосипеддән jыхылараг голунун әзилдиjи билдирилир.
Диггәт: Хәбәрдән истифадә етдикдә мәнбәjә истинад лазымдыр
