Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Теһранын мүвәггәти имам ҹүмәси Гәрб дөвләтләринә нүвә ишинин һәлли бәһанәси илә Иранын һәрби мәркәзләриндә тәфтиш апармаг иҹазәсинин верилмәси геjри-мүмкүн вә Иран Ислам Республикасы ганунларына зиддир.
Һөҹҹәтүлислам вәлмүслимин Казым Сәдиги бу ҝүн Теһранын ҹүмә намазы хүтбәләриндә Иран вә 5+1 групу арасындакы нүвә мүзакирәләринә вә гәрблиләрин һәлл jолу олараг Иранын һәрби мәркәзләриндә тәфтишә иҹазәнин верилмәси тәклифи илә чыхыш етмәләринә ишарә едәрәк, деjиб: Онлара истәдикләри заман, истәдикләри мәканда азад формада тәфтиш апармаг иҹазәсинә малик олмалары иҹазәсинин верилмәси гануна зиддир вә Иран Ислам Республикасы буну гәбул етмәjәҹәк.
Теһранын ҹүмә намазы хәтиби Иран Ислам Республикасынын гаршы тәрәфин һәр истәjини jеринә jетирмәjәҹәjини деjәрәк, әлавә едиб: Иран Ислам Республикасынын гырмызы хәтләри Ислам Ингилабынын Бөjүк Рәһбәри тәрәфиндән тәjин едилир вә о һәзрәтин бахышларына зидд олан мәсәлә гәбуледилмәздир. Һөҹҹәтүлислам вәлмүслимин Казым Сәдиги нүвә елмини Иран халгынын бөjүк сәрмаjәси вә өлкә игтисадиjjатынын чичәкләнмәси амили адландырыб вә деjиб: Бу елмдән тибб, енерҝетка вә кәнд тәсәррүфаты саһәсиндә истифадәнин едилмәси өлкәнин хариҹи өлкәләрдән асылылығыны арадан галдырыб. Теһранын мүвәггәти имам ҹүмәси әлавә едиб: Иранын нүвә мүзакирәчиләри Ислам Ингилабынын Бөjүк Рәбәри вә Иран халгы тәрәфиндән һимаjә олунурлар вә нүвә мүзакирәләриндә Иран халгынын иззәтини игтидарла мүдафиә едирләр. Һөҹҹәтүлислам вәлмүслимин Казым Сәдиги америкалыларын сәдагәтсизлиjинә дә ишарә едиб вә бунун тарих боjу дәфәләрлә сүбута jетирилдиjини билдириб вә деjиб: Иран вә 5+1 групу арасында анлашманын әлдә олундуғу бир шәраитдә америкалылар тәрәфиндән Ирана гаршы санксиjаларын артырылмасы онларын неҹә бир фырылдагчы олдугларыны бир даһа ортаjа гоjмуш олду.
Теһранын ҹүмә намазы хәтиби даһа сонра Ираг, Ливиjа вә Јәмән кими реҝион өлкәләриндә ҝәрҝинлиjин jарадылмасыны АБШ-ын мараглары истигамәтиндә адландырыб вә деjиб: Гәрб мүхтәлиф бәһанәләр вә зоракылыг илә реҝион халгларынын сәрвәтини гарәт етмәк, онлары истила алтына алмаг истәjирләр. Теһранын мүвәггәти имам ҹүмәси сонда Иранын террорчулар илә мүбаризәдә Суриjа вә Ирага jардымларыны давам етдирәҹәjини билдириб вә деjиб: ИШИД кими террорчу груплашмалар илә мүбаризәдә реҝион өлкәләри әмәкдашлыг етмәлидирләр
Диггәт: Хәбәрдән истифадә етдикдә мәнбәjә истинад лазымдыр
